چیف جسٹس قاضی فائز عیسی نثار پنہور محسن پہنور، سینئر وکیل جوہر عابدایڈوکیٹ کی گرفتاریوں کا فوری نوٹس لیں ۔ ایم کیو ایم

چیف جسٹس قاضی فائز عیسی نثار پنہور محسن پہنور، سینئر وکیل جوہر عابدایڈوکیٹ کی گرفتاریوں کا فوری نوٹس لیں ۔ ایم کیو ایم

لندن……9 جنوری2024ء
ایم کیوایم کی رابطہ کمیٹی نے سابق رکن قومی اسمبلی اور آزاد امید وار شار پنہور، ان کے صاحبزادے حسن پور اور سینئر وکیل اور آزاد امیدوار جو ہر عابد ایڈوکیٹ کی گرفتاریوں کی شدید مذمت کی ہے ۔ اپنے ایک بیان میں رابطہ کمیٹی نے کہا کہ ملک میں الیکشن کے انعقاد میں محض ایک ماہ باقی ہے لیکن کراچی میں آزاد امیدواروں کی گرفتاریاں شروع کردی گئی ہیں اور اس سلسلے میں کسی بھی بات کا کوئی لحاظ نہیں رکھا جار ہا ہے ۔ رابطہ کمیٹی نے کہا کہ پیر 8 جنوری کی شب کراچی کے علاقے سعدی ٹاؤن سے آزاد امیدوار شمار پہنور اور ان کے بیٹے محسن پہنور کو گھر پر چھاپہ مار کر گرفتار کرلیا گیا ۔ نثار پہنور اور محسن پہنور دونوں 8 فروری کے انتخابات میں امیدوار ہیں ۔ اسی طرح سینئر وکیل اور حالیہ انتخابات میں آزاد امیدوار جوہر عابد ایڈوکیٹ کو بھی گلشن اقبال میں ان کے گھر سے پولیس اور قانون نافذ کرنے والے اداروں کے اہلکاروں نے گرفتار کرلیا ۔ ان تمام گرفتار شدگان کو نامعلوم مقام پر منتقل کر دیا گیا ہے ۔ رابطہ کمیٹی نے کہا کہ کیا یہی لیول پلینگ فیلڈ ہے کہ آزاد امیدواروں کو گرفتار کر کے الیکشن لڑنے سے روکا جارہا ہے۔ رابطہ کمیٹی نے سپریم کورٹ کے چیف جسٹس قاضی فائز عیسی اور چیف الیکشن کمشنر سے مطالبہ کیا ہے کہ ان گرفتاریوں کا فوری نوٹس لیا جائے اوران گرفتارشدگان کو فی الفور رہا کیا جاۓ ۔

دریں اثناء ایم کیوایم کی رابطہ کمیٹی ان گرفتاریوں کے معاملے پر آج بروز منگل لندن وقت شام 5 بجے اور پاکستان وقت رات 9 بجے اہم وڈیو پر بریفنگ دے گی ۔