چین، ایران اور پاکستان کے درمیان علاقائی سلامتی کی مشاورت برائی کا محور ہے، بلوچ نسل کشی میں اضافہ ہوگا۔ حیربیار مری

چین، ایران اور پاکستان کے درمیان علاقائی سلامتی کی مشاورت برائی کا محور ہے، بلوچ نسل کشی میں اضافہ ہوگا۔ حیربیار مری

لندن: بلوچ قومی رہنما اور فری بلوچستان موومنٹ (ایف بی ایم) کے سربراہ حیربیار مری نے ایک بیان میں کہا ہے کہ بیجنگ میں چین، ایران اور پاکستان کے درمیان نام نہاد انسداد دہشت گردی اور علاقائی سلامتی سے متعلق مشاورت کا مقصد ٹرائیکا کے درمیان تعاون کو فروغ دینا تھا۔ جو برائی کا محور ہے جس سے بلوچ نسل کشی میں اضافہ ہوگا۔

مسٹر مری نے کہا کہ اس ملاقات کا علاقائی سلامتی یا دہشت گردی سے کوئی تعلق نہیں ہے۔ اس کا مرکز بلوچستان ہے اور یہ ٹرائیکا منصوبہ بنا رہا ہے کہ کس طرح بلوچ قوم کو دہشت زدہ کیا جائے، کس طرح بلوچستان کو دبایا جائے، کیسے ختم کیا جائے، چوری اور لوٹ مار کی جائے۔ ہم برائی کے محور کی اس ملاقات کو بلوچ قوم اور بلوچستان کے مستقبل کے لیے براہ راست خطرے کے طور پر دیکھتے ہیں۔ کمیونسٹ، سامراجی چین نے اپنے بیلٹ اینڈ روڈ کے اقدامات کو آگے بڑھانے کے لیے دو اسلامی جمہوریہ جو مشرقی اور مغربی مقبوضہ بلوچستان پر قابض ہیں کے ساتھ مل کر انکی افواج میں شمولیت اختیار کر لی ہے۔

مسٹر مری نے مزید کہا کہ جب کہ چین غیر تصادم کی پالیسیوں پر عمل پیرا ہونے کا دعویٰ کرتا ہے، لیکن اس کے اقدامات دوسری کچھ اور دیکھاتے ہیں۔ ایسا لگتا ہے کہ چین بلوچ عوام کے خلاف ایران اور پاکستان کی سرگرم رہنمائی اور پشت پناہی کر رہا ہے، کیونکہ چین نے مقبوضہ بلوچستان کے دونوں حصوں میں سینکڑوں ارب ڈالر کی سرمایہ کاری کی ہے۔ چین بیلٹ اینڈ روڈ انیشیٹو (بی آر آئی) میں اپنی سرمایہ کاری کی راہ میں سب سے بڑی رکاوٹ بلوچوں کو سمجھتا ہے کیونکہ بلوچستان عالمی سطح پر ایک اسٹریٹجک مقام پر واقع ہے جس کا چین بلوچوں کی اجازت کے بغیر اور بلوچوں کی روزی روٹی کی قیمت پر استحصال کر رہا ہے۔

انہوں نے کہا کہ حالیہ نام نہاد کاؤنٹر ٹیررازم میٹنگ چین، ایران اور پاکستان کی ایک اور سازش ہے جس سے بلوچستان کے قدرتی وسائل کی لوٹ مار کو تیز کیا جائے، بلوچ قوم کو تباہ کیا جائے اور بلوچ عوام کی آزادی کی تحریک کو دبایا جائے۔ یہ بلوچ قوم کے لیے تشویشناک اور جاگنے کی کال ہے اور ہر بلوچ کو جان لینا چاہیے کہ برائی کے ان تین محوروں میں سے کوئی بھی بلوچ قوم کا ہمدرد اور خیر خواہ نہیں ہو سکتا۔ ان میں ایک توسیع پسند چین بھی ہے، جس کا دوسرے ممالک جیسے تبت، سنکیانگ اور ہانگ کانگ میں اپنی حد سے تجاوزات کا ٹریک ریکارڈ ہے۔ یہاں تک کہ اقوام متحدہ کے انسانی حقوق کے حکام نے بھی 10 لاکھ ایغور آبادی کی حراست پر شدید تشویش کا اظہار کیا ہے جنہیں حراستی کیمپوں میں رکھا گیا ہے۔ چین غریب ممالک سے بندرگاہیں لے کر اپنی طاقت اور پیسے کو بلیک میل کرنے کیلیے استعمال کر رہا ہے – ان کی موجودگی ایشیا اور افریقہ سے لے کر لاطینی امریکہ تک ہر جگہ موجود ہے، تاکہ وہ اپنی توسیع پسندانہ خواہشات کو پورا کر سکے۔

چین نے اب بلوچ نسل کشی میں نئے سرغنہ کے طور پر ذمہ داریاں سنبھال لی ہیں اور یہ ہدایت کی ہے کہ یہ دونوں قابض ایران اور پاکستان بلوچ قوم کو ختم کریں اور چینی اور پنجابیوں کے لیے جگہ بنانے کے لیے آبادیاتی تبدیلی لائیں ۔ یہ بلوچوں کی دولت کو لوٹنے اور اس کے تزویراتی محل وقوع سے فائدہ اٹھانے کی اپنی خواہشات کی تکمیل کے لیے ہے۔ اب جبکہ بلوچستان کی تباہی اور بربادی میں چینی براہ راست ملوث ہیں، ہمارے لیے، بلوچوں کے لیے دنیا کو دیکھانا آسان ہے کہ چین وہ پرامن قوم نہیں ہے جس کا وہ دعویٰ کرتا ہے۔

مسٹر مری نے کہا کہ چین نے جیونی میں بحریہ کا اڈہ قائم کیا ہے اور پاکستانی فوج کی حفاظت میں سونمیانی میں ایک بڑا زیر زمین جوہری آبدوز بیس بنا رہا ہے۔ دریں اثنا، بلوچوں کو ان علاقوں سے زبردستی نکالا جا رہا ہے اور ان علاقوں سے بے گھر کیا جا رہا ہے تاکہ چینیوں کے لیے اپنے توسیع پسندانہ منصوبوں کے ذریعے بلوچستان اور وسطی ایشیائی ریاستوں کو کنٹرول کرنے کے لیے محفوظ پناہ گاہیں بنائیں۔

انہوں نے مزید کہا کہ فری بلوچستان موومنٹ جلد ہی یورپی ممالک اور شمالی امریکہ میں چینی سفارت خانوں کے سامنے چوبیس گھنٹے احتجاج کریگی۔ یہ احتجاج چین کے توسیع پسندانہ عزائم اور بلوچوں کے خلاف ایرانی اور پاکستانی قابضین کی حمایت کے خلاف ہے۔ FBM کا مقصد چین کے ارادے کو اجاگر کرنا ہے، جو کہ گوادر کو اپنی ‘String of Pearls’ حکمت عملی کو مضبوط بنانے اور گوادر کو عالمی تسلط کے لیے ان کے گھناؤنے منصوبوں کا حصہ بنانا ہے۔