چین سی پیک منصوبوں سے پیچھے ہٹنا شروع کر دیا یہ پاکستان کے لیے بہت بڑا جھٹکا ہے.

چین سی پیک منصوبوں سے پیچھے ہٹنا شروع کر دیا یہ پاکستان کے لیے بہت بڑا جھٹکا ہے.

اسلام آباد: پاکستان کو ایک بڑے معاشی اور سفارتی دھچکے کا سامنا کرنا پڑا ہے، جب چین نے سی پیک کے فلیگ شپ ریلوے منصوبے مین لائن ون (ML-1) کی فنڈنگ روک دی ہے۔ یہ منصوبہ کراچی سے پشاور تک ریلوے لائن کی اپ گریڈیشن پر مشتمل ہے اور اسے سی پیک کا سب سے اہم منصوبہ تصور کیا جاتا رہا ہے۔

ذرائع کے مطابق، چین نے کراچی–روہڑی سیکشن کے لیے سرمایہ کاری کرنے سے انکار کر دیا ہے، جو منصوبے کا سب سے بڑا اور اہم حصہ ہے۔ اس انکار کے بعد پاکستان نے فوری طور پر ایشیائی ترقیاتی بینک (ADB) سے رابطہ کیا ہے اور تقریباً 2 ارب ڈالر کے قرض کے حصول کی کوششیں تیز کر دی ہیں۔

رائٹرز اور دیگر عالمی میڈیا اداروں کی رپورٹس کے مطابق، چین کی طرف سے فنڈنگ رکنے کی بڑی وجہ مالی خدشات اور پاکستان میں چینی انجینئرز و ورکرز کی سیکورٹی سے متعلق مسائل ہیں۔ چینی صدر شی جن پنگ نے بھی حال ہی میں اسلام آباد پر زور دیا ہے کہ وہ اپنے ملک کے شہریوں کے تحفظ کو یقینی بنائے۔

پاکستانی حکام کا کہنا ہے کہ اگرچہ ADB سے مذاکرات جاری ہیں، لیکن یہ تبدیلی سی پیک کی سمت اور مستقبل پر گہرے سوالات کھڑے کر رہی ہے۔ سی پیک کو اب تک چین اور پاکستان کی "آئرن برادرہڈ” کی علامت کے طور پر پیش کیا جاتا رہا ہے، مگر بیجنگ کا یہ قدم اسلام آباد کے لیے ایک بڑی ناکامی سمجھا جا رہا ہے۔

ادھر خطے میں سفارتی محاذ پر ایک اور دلچسپ پیش رفت سامنے آئی ہے کہ چین اور بھارت کے تعلقات میں گرمجوشی بڑھ رہی ہے۔ مبصرین کا کہنا ہے کہ بیجنگ کا اسلام آباد سے فاصلہ اور نئی دہلی سے قربت خطے کی جغرافیائی سیاست میں بڑی تبدیلی کا اشارہ ہے۔

ماہرین کے مطابق، پاکستان کے لیے یہ صورتحال نہ صرف معاشی مشکلات کو بڑھائے گی بلکہ اس کی خارجہ پالیسی کے چیلنجز میں بھی اضافہ کرے گی۔