ڈیرہ اسماعیل خان طوفانی آندھی کی لپیٹ میں؛ 8 جاں بحق، درجنوں زخمی

طوفانی آندھی نے تباہی مچادی

ڈیرہ اسماعیل خان آج 24 اگست 2025 کی صبح 5بجے ب موصول ہونے والی تازہ رپورٹ کے مطابق طوفان کے نتیجے میں 8 افراد جاں بحق اور 47 زخمی ہوئے ہیں۔

جن میں سے 5 تحصیل ڈیرہ اسماعیل خان اور 3 تحصیل پہاڑپور سے ہیں۔

زخمی: 47 افراد زخمی ہوئے، جن میں سے 41 کا علاج ڈسٹرکٹ ہیڈکوارٹر ہسپتال (DHQ) اور 6 کا مفتی محمود ٹیچنگ ہسپتال (MMTH) میں جاری ہے۔

تشویشناک حالت 3 افراد کی حالت نازک ہے، جو سب DHQ میں زیر علاج ہیں۔

زیر مشاہدہ 18 زخمیوں کو مشاہدے کے لیے ہسپتال میں داخل کیا گیا ہے (DHQ: 16، MMTH: 2)۔

فارغ کردہ مریض: 26 افراد کو معمولی زخموں کے بعد ہسپتال سے ڈسچارج کر دیا گیا (DHQ: 22، MMTH: 4)۔

اب تک تحصیل کلاچی، درازندہ، پاروہ اور درابن سے کوئی ہلاکت یا زخمی کی اطلاع موصول نہیں ہوئی۔

انتظامیہ کی سرگرمیاں

ڈپٹی کمشنر ڈیرہ اسماعیل خان عبدالناصر خان، ڈسٹرکٹ پولیس آفیسر (ڈی پی او) ڈیرہ اور اسسٹنٹ کمشنر سید ارسلان نے دیر رات تک ہسپتالوں کا دورہ کیا اور ریسکیو آپریشنز کی نگرانی کے ساتھ ساتھ زخمیوں کی عیادت کی۔ انہوں نے متاثرین کے لیے فوری طبی امداد اور سہولیات کو یقینی بنانے کے لیے ہسپتال انتظامیہ کے ساتھ مل کر کام کیا۔

ضلعی انتظامیہ صورتحال پر گہری نظر رکھی ہوئی ہے اور امدادی سرگرمیاں جاری ہیں۔ متاثرہ علاقوں میں ریسکیو آپریشنز کو مزید تیز کر دیا گیا ہے، اور زخمیوں کو بروقت طبی امداد فراہم کی جا رہی ہے۔ عوام سے گزارش کی گئی ہے کہ وہ احتیاطی تدابیر اختیار کریں اور کسی بھی ہنگامی صورتحال میں متعلقہ حکام سے فوری رابطہ کریں۔ خاور ڈیرہ