کشمیر اور گلگت بلتستان کے فوجی اور افسران بلوچستان میں جاری جنگِ آزادی کے خلاف پاکستان کے ملٹری آپریشنوں میں شرکت کرنے سے انکار کر دیں۔ تحریک اتفاق رائے

کشمیر اور گلگت بلتستان کے فوجی اور افسران بلوچستان میں جاری جنگِ آزادی کے خلاف پاکستان کے ملٹری آپریشنوں میں شرکت کرنے سے انکار کر دیں۔ تحریک اتفاق رائے

پاکستانی مقبوضہ جموں و کشمیر تحریک اتفاقِ رائے سنٹرل کمیٹی کا ایک اہم اجلاس آج مظفر آباد اور ڈائسپورا میں آن لائن منعقد کیا گیا۔
اجلاس کی صدارت ڈاکٹر امجد ایوب مرزا نے کی۔
اس اجلاس میں پاکستانی فوج میں شامل آزاد کشمیر اور گلگت بلتستان کے فوجی سپاہیوں اور افسران سے اپیل کی گئی کہ وہ بلوچستان میں جاری جنگِ آزادی کے خلاف پاکستان کے ملٹری آپریشنوں میں شرکت کرنے سے انکار کر دیں۔

اعلامیہ میں کہا گیا کہ “ہم خود پاکستان کی قبضہ گیری کا شکار ہیں اور آزادی کا مطالبہ کرتے ہیں۔” ایسے میں پاکستان کے خلاف بلوچ جنگِ آزادی کے خلاف لڑائی میں پاکستان کا ساتھ دینا نہ صرف آزادی کے اصولوں کے خلاف ہے بلکہ ایک مجرمانہ فعل بھی ہے۔

تحریک اتفاقِ رائے کے مشترکہ اعلامیہ میں کہا گیا کہ جعفر ایکسپریس حملے میں ہلاک ہونے والے آزاد کشمیر کے فوجی اور گزشتہ روز خیبر پختونخواہ کے ضلع لکی مروت میں مارے جانے والے گلگت بلتستان کے پانچ فوجیوں کا حوالہ دیتے ہوئے کہا گیا کہ ہماری تحریک کا نام تحریک اتفاقِ رائے اس لیے ہے کہ اس کا مقصد پاکستان میں بسنے والی تمام محکوم قوموں کو پاکستان سے آزادی کے یک نکاتی ایجنڈے پر متفق کرنا ہے۔

اعلامیہ میں مزید کہا گیا کہ جس طرح بلوچ اور کئی پشتون، جو جبری طور پر پاکستانی فوج سے ریٹائر کیے گئے، بلوچستان اور خیبر پختونخواہ کی آزادی کی جنگ میں اپنی عسکری تنظیموں کے ساتھ شامل ہو گئے ہیں اور ان کی مدد کر رہے ہیں، اسی طرح آزاد کشمیر اور گلگت بلتستان کے وہ فوجی جو اس وقت پاکستانی فوج میں شامل ہیں، وہ بلوچستان اور خیبر پختونخواہ میں پاکستانی فوجی آپریشنوں کا حصہ بننے سے صاف انکار کر دیں۔

سینٹرل کمیٹی کے مشترکہ اعلامیہ میں بلوچستان میں پاکستانی فوج کی بربریت کی شدید مذمت کی گئی۔

اس کے ساتھ ساتھ بلوچ یکجہتی کمیٹی کے قائدین ڈاکٹر باہرنگ بلوچ، سیمی دین بلوچ، بیبو بلوچ اور بیبگر بلوچ اور تمام دیگر سیاسی کارکنوں کی گرفتاری کی مذمت کرتے ہوئے ان کی فوری رہائی کا مطالبہ کیا گیا۔

جموں و کشمیر تحریک اتفاقِ رائے کے مشترکہ اعلامیہ میں بلوچستان نیشنل پارٹی کے سربراہ سردار اختر مینگل کے کوئٹہ سے لانگ مارچ کی مکمل حمایت کا اعلان کیا گیا۔

اعلامیہ میں کہا گیا کہ پاکستانی قبضے والے جموں و کشمیر اور مقبوضہ گلگت بلتستان کے عوام بلوچ قوم کی بے مثال جدوجہد اور قربانیوں کو خراجِ تحسین پیش کرتے ہیں اور مشکل کی اس گھڑی میں ان کے ساتھ کھڑے ہیں۔

اعلامیہ میں مزید کہا گیا کہ بلوچستان کی جدوجہدِ آزادی پاکستان کی دیگر محکوم قوموں کے لیے مشعلِ راہ ہے۔