کوئٹہ: جبری لاپتہ جہانزیب بلوچ کی عدم بازیابی کے خلاف مظاہرہ

اتوار کے روز کوئٹہ میں جبری لاپتہ جہانزیب بلوچ کی جبری گمشدگی کے خلاف انکے لواحقین کے جانب سے احتجاجی مظاہرہ کیا گیا احتجاجی ریلی میں وائس فار بلوچ مِسنگ پرسنز، بی وائی سی، طلباء سیاسی و سماجی تنظیموں سمیت دیگر لاپتہ افراد کے لواحقین نے شرکت کی۔ہاتھوں میں پلے کارڈز اور لاپتہ افراد کی تصویریں اٹھے مظاہرین نے بلوچستان میں جبری گمشدگیوں کے خلاف نعرہ بازی کی-اس موقع پر لواحقین نے کہاکہ جہانزیب بلوچ کو 3 مئی 2016 کو کوئٹہ سے لاپتہ کیا گیا تھا۔ وہ ٹیلر ماسٹر تھا۔ جہانزیب بلوچ سیمت تمام لاپتہ کی بازیابی کا مطالبہ کیا گیا ۔

لواحقین نے کہاکہ جبری لاپتہ جہانزیب بلوچ کوئٹہ شہر میں سریاب کے علاقے کے رہائشی ہیں اور پیشے کے لحاظ سے درزی ہیں۔ وہ شادی شدہ ہیں اور ان کی بیٹی بھی ہے جو پیدا ہوتے ہی سراپا احتجاج ہیں۔انہوں نے کہا کہ ہم اُنکی بخیریت بازیابی کی اُمید کرتے ہیں اور رہائی کا مطالبہ کرتے ہیں۔والدہ نے کہاکہ معصومہ ان کے بیٹے کی اکلوتی اولاد ہے، جس وقت جہانزیب کو لاپتہ کیا گیا تو اس وقت معصومہ کی عمر صرف چھ ماہ تھی۔گل سیمہ نے بتایا کہ گزشتہ آٹھ سالوں سے وہ اور ان کے خاندان کے تمام افراد ایک اذیت ناک صورتحال سے دوچار ہیں۔آخر میں مظاہرین نے کہا کہ اگر اس نے کوئی جرم کیا ہے۔تو عدالت میں پیش کیا جائے۔
جبری طور پر لاپتہ کرنا انسانیت سوز جرم ہے جس کو بطور جرم گرداننہ لازمی ہو چکا ہے۔