کولواہ پاکستانی فورسز کی بڑی نقل و حرکت آپریشن کا خدشہ، گریشہ میں پاکستانی جیٹ طیاروں کی بمباری

کولواہ پاکستانی فورسز کی بڑی نقل و حرکت آپریشن کا خدشہ، گریشہ میں پاکستانی جیٹ طیاروں کی بمباری

کولواہ ڈندار میں پاکستانی فورسز بڑی تعداد میں جمع ہوئی ہے۔ زمینی کمک کے ساتھ ساتھ فضائی نگرانی اور مدد کے لیے ہیلی کاپٹر بھی علاقے میں مسلسل چکر لگا رہے ہیں۔ اتنی بڑی تعداد میں فورسز کی تعیناتی سے مقامی حلقوں میں یہ خدشہ پایا جا رہا ہے کہ فوج جلد ہی ایک بڑے پیمانے پر آپریشن کا آغاز کر سکتی ہے۔

دوسری جانب خضدار میں پاکستانی فوج کے جیٹ طیاروں نے بمباری کی ہے۔ مقامی ذرائع کے مطابق، پاکستانی فوج کے جیٹ طیاروں نے آج صبح تقریباً گیارہ بجے خضدار گریشہ کے علاقہ بدرنگ میں رہائشی مکانات کے قریب بم گرائے۔

ابتدائی اطلاعات کے مطابق، اس بمباری میں تاحال کسی جانی نقصان کی اطلاع نہیں ملی ہے۔ تاہم، آس پاس کے دیہات کے لوگ جیٹ طیاروں کی اس کارروائی سے سخت خوفزدہ ہیں۔