کوہلولائبریری کو ڈسٹرکٹ چیرمین کا دفتر بنانا تعلیم دشمنی کی واضع مثال ہے۔ بلوچ اسٹوڈنٹس ایکشن کمیٹی

کوہلولائبریری کو ڈسٹرکٹ چیرمین کا دفتر بنانا تعلیم دشمنی کی واضع مثال ہے۔ بلوچ اسٹوڈنٹس ایکشن کمیٹی

پریس ریلیز

معززصحافی حضرات!
آپ سب حضرات کا شکریہ جو آج ایک بار پھر ہمارے پریس کانفرنس میں حصہ لیکر ہماری آواز کومیڈیا اور بلوچ عوام تک پہنچانے میں شریک ہیں ۔ صحافی جوکسی بھی سماج کا باشعور طبقہ ہوتا ہے جسے سماج پہ ہونے والے ہر ایک سیاسی اور سماجی مسلئے کا علم سمیت اسے عوام اور با اقتدارطبقہ تک پہنچانے کا فرض اپنے کندھوں پر اٹھایا ہوتا ہے۔ معززصحافی حضرات!
بلوچستان جوایک امیر ترین ، جغرافیائی حوالے سے اہم اور سٹریٹجک اہمیت رکھتا ہے مسائل کا گڑھ بن چکا ہے جہاں بنیادی انسانی سہولیات ناپید ہیں ۔ پینے کے صاف پانی سے لیکر تعلیم اور صحت جیسے سہولیات یہاں کے باشندوں کیلیے ایک خواب بن چکے ہیں صوبائی حکومت اور اپوزیشن سمیت عالمی سامراجی کمپنیاں اور وفاق دونوں ہاتھوں سے بے رحم لوٹ مار میں لگے ہوئے ہیں جبکہ مقامی لوگ نان شبینہ کے محتاج ہیں مگر دل کو روؤں یا جگر کو پیٹیوں کے مصداق کوئی اپنی فریادلیکر جاۓ تو کہاں؟ کوہلو جو ایک پسماندہ ترین علاقہ ہے جہاں نہ صحت کے سہولیات ہیں نہ تعلیم کے، پورے ضلع میں ایسا تعلیمی ادارہ وجودنہیں رکھتا جہاں غریب کے بچے تعلیم حاصل کر سکیں ۔کوہلو جو ایک بڑی آبادی پرمشتعمل علاقہ ہے جن میں ماوند ، کاہان ، ہوسڑی ، جنت علی شامل ہیں جہاں ہزاروں کی تعداد میں لوگ آباد ہیں لیکن بدقسمتی کے ساتھ ان علاقہ جات میں بنیادی تعلیم سے لے کر اعلی تعلیمی سہولیات نہ ہونے کے برابر ہیں سینکڑوں گھوسٹ اسکولیں سرکاری کاغذوں میں چل رہی ہیں لیکن ان علاقوں کی بچے بچیاں اسکول اور دیگر سہولیات نہ ہونے کی وجہ سے تعلیم سے محروم ہیں اور بیشتر بچے اپنے بچپن ہی میں مزدوری اور دیگر پیشوں سے منسلک ہو جاتے ہیں ۔اس کے علاوہ خوش قسمتی سے اگر کوئی طالبعلم میٹرک تک تعلیم حاصل بھی کر لیتا ہے تو انٹرمیڈیٹ کیلیے کوہلو شہر کی جانب جا تا ہے لیکن ڈگری کالج فعال نہ ہونے کی وجہ تعلیم یہی سے ترک کر دیتے ہیں۔ اس کے علاوہ طالبات کیلیے پورے خطے میں وومن کالج سرے سے وجود ہی نہیں رکھتی ۔ مگر جب پچھلے سالوں لائبریری کا اعلان ہوا تو وہاں کے علم دوستوں کو یہ خوشی محسوس ہوئی کہ کم از کم ایک جگہ تعمیر ہورہی ہے جہاں سکون سے طلبا بیٹھ کر پڑھین گے لیکن اس لاہبریری کو کوعلم دشمن عناصر نے ڈسٹرکٹ چیرمین کا دفتر بنایا جو کہ خلاف قانون ہے۔ کلچرل ڈیپارٹمنٹ کی ملکیت ہے جنہوں نے کوہلو کے ڈپٹی کمشنر کوتحریری صورت میں حکم نامہ جاری کیا کہ لائبریری کو قبضہ گروہ سے واگزار کرا کے کلچرل ڈیپارٹمنٹ کے حوالے کریں ۔ ڈپٹی کمشنر نے بھی ایک زمہ دار حکومتی ادارے کے حکم نامے کو ہوا میں اچھال کر اسے ڈسٹرکٹ چیرمین کے حوالے کیا۔
معززصحافی حضرات!
اس قبضہ گروہ کے خلاف وہاں کے طالبعلموں نے احتجاجی طریقہ کار سمیت ضلعی زمہ داران کو ہر طرح سے گوش گزار کرانے کی کوشش کی ۔ مگر ابھی تک لائبریری قبضہ گروپ کا دفتر بنا ہوا ہے ۔ بحیثیت طلبا نمائندہ تنظیم بلوچستان کے تعلیمی مسائل سمیت لائبریری کیمپین ہمارے تنظیمی پالیسیوں کا حصہ ہے اور ہم بحثیت ادارہ اس پبلک لائبریری کے قبضے کی شدید الفاظ میں نہ صرف مذمت کرتے ہیں بلکہ اس طرح کے تمام علم دشمن اعمال کے خلاف سیاسی مزاحمتی طریقہ کار پر یقین رکھتے ہیں اگر لائبریری کو جلد فعال نہیں کیا گیا تو تنظیم احتجاج کا حق محفوظ رکھتی ہے۔ آخر میں کوہلو کے باشعور عوام سے اپیل کرتے ہیں کہ وہ میر مٹھا خان ،صورت خان مری ، شیر محمد مری جیسے اکابرین کے علم دوستی اور دانشورانہ حیثیت کو اپنے لئے مشعل راہ بنا کر علم دشمن عناصر اور قبضہ گروپ کے خلاف آواز بلند کرنے میں اور اپنے نسلوں کی ترقی اور علمی راہ پر رکاوٹ بنے والوں کی خلاف سیاسی مزاحمت کریں۔