کہانی یہیں ختم ہوتی ہے۔ حانی بلوچ

تحریر: حانی بلوچ

بلوچستان جہاں جبر مسلسل نے ایک طرف تو بلوچ قوم کے ان سوئے ہوئے یا مطالعہ پاکستان کے پیروکاروں کو جگایا وہیں آزادی پسند اور باشعور بلوچ کی مضبوط مزاحمت نے ریاست کو بے بسی اور لاچاری کے اس مقام پہ لا کھڑا کیا کہ پنجابی ریاست نے کھل کر اپنی نفرت اور مظالم کی سیاہ تاریخ رقم کی۔بلوچستان میں نکلنے والا سورج ہر روز اپنے ساتھ روشنی کی کرنیں بکھرنے نہیں یا زندگی کی خبر نہیں لاتا خون میں ڈوبی لاشیں گھروں کے گمشدہ چراغوں یا روڈوں پہ روتی بلکتی فریاد کرتی ماوں بہنوں کی اہیں اور آنسو لاتا ھے

15 مئی کا سورج نجمہ کی خودکشی کی خبر لے کہ بیدار ہوا ۔ نجمہ بلوچ بلوچستان کے ضلع آواران کے گاوں گشکور کی مضبوط ارادوں روشن ذہن کچھ کر دکھانے کے جذبوں سے سرشار 22 سالہ نوجوان لڑ کی اپنی خوبصورت سوچ کی طرح خوبصورت أنکھوں والی پڑھی لکھی دلیر بیٹی باوفا بیوی، کیوں خودکشی پہ مجبور ھوئی ؟ نجمہ کی زندگی کو جاننے کے بعد فیصلہ قاریین کریں کہ واقعی یہ خودکشی تھی یا قتل ؟ اگر قتل ہے تو اس خون کے نشان کس کے ہاتھوں پہ ڈھونڈیں اگر خودکشی ہے تو کیوں اور اسکا ذم دار کون؟ بدنصیب بلوچستان قدرت کے خزانوں سے مالامال خطہ جہاں قابض ریاست ہر طرح کا استحصالی تجربہ کرتی ھے اہٹمی دھماکوں سے لے کر بند تعلیمی ادارے صحت کی سہولیات سے مبرا، فوجی أپریشن ٹارگٹ کیلنگ فیک انکاونٹر مسخ شدہ لاشیں جبری لاپتہ خواتین ومرد حتی کہ مجموعی قبرستان بنے یہاں تک کہ گاوں کے گاؤں جلا دیے گئے ایک جملہ کہا جاتا ہے لکھنے بیٹھیں تو سیاہی ختم ہو جائے پر ظلم بیان نہ ہو سکے میرے وطن کے لے شاید کسی نے کہا ھو گا۔نجمہ بلوچ اسی استحصال زدہ مقبوضہ وطن کی بیٹی گشکور کی زمیں پر آنکھ کھولتی ہے ان تمام محرومیوں کی دل ودماغ میں سمیٹے اپنے تعلیمی سفر کا أغاز کرتی ہے اور "حب ” سے ایف اے تک تعلیم لینے کے بعد گشکور واپس آتی ہے اسکے والد دلسرد اسے اپنے بھائی کے بیٹے کے ساتھ شادی کے بندھن میں باندھ دیتے ہیں نجمہ اپنے چچا زاد کے ساتھ جو کی پردیس (دبی) میں کام کرتا ہے نجمہ ایک باشعور لڑکی جس گاوں یا وطن کی باسی ہے وہاں سکول اور تعلیم کا کوئی سلسلہ نہیں نہ سرکاری نہ کوئی غیر سرکاری گشکور جہاں لگ بھگ تین سو یا تین سو سے زیادہ گھر آباد ہیں اور ان کے بچے اپنا دن کھیل کود میں گزارتے ہیں اسے اپنے ہم وطنوں کی فکر ستاتی ہے تو وہ فیصلہ کرتی ہے کہ وہ ان بچوں کو تعلیم دے گی جو ان کا حق ہے ۔ یہاں یہ بتانا ضروری سمجھتی ہوں نجمہ بلوچ پہلی بلوچ لڑکی نہیں جس نے یہ بیڑا ذاتی طور پہ خود اٹھایا ایسی کئی بلوچ لڑکیاں لڑکے ہیں جنہوں نے ایسی کوشیشیں کی ہیں کر رہے ہیں اور کرتے رہیں گے مگر شومئ قسمت کہ اکثر بلوچ قوم کے ایسے ہی پڑھے لکھے نوجوان یا تو مار دیے گئے زندانوں میں قید کر دیے گئے یا خودکشی پہ مجبور کے گئے نجمہ اسکی تازہ ترین مثال ہے

نجمہ بلوچ اپنی سوچ کو عملی جامہ پہنانے کے لے اپنے والد کی بیٹھک کو اسکول کی شکل دیتی ہے اور تمام لوازمات جو ایک سکول کی ضرورت ھوتے ہیں پورا کرنے کی بھرپور کوشش کرتی ھے تا کہ بچوں کو سکول کا ماحول مل سکے اور وہ یہ سب اخراجات خود اٹھاتی ہے باوجود کم وسائل کے اسطرح ایک سکول اپنا کام شروع کر دیتا ہے جس میں تین سو کے قریب بچے تعلیم سے مستفید ہوتے ہیں۔ اسکے اس عمل کی وجہ سے جہاں اسے علاقہ مکینوں میں عزت و پذیرائی ملتی ہے وہیں چند ریاستی دلال اور ہوس زدہ نظریں بھی نوربخش اور اسکے ساتھیوں کی شکل میں اسکا پیچھا کر رہی ہوتی ہیں جو اسے مختلف حیلوں بہانوں سے تنگ کرنا شروع کرتے ہیں ایک طرف اسے جبرا ناجائز جسمانی تعلقات رکھنے اور دوسری طرف ریاست کے لے مخبری پر مجبور کرنے کی کوشش ہوتی ہے۔ اسکے مسلسل انکار اور احتجاج پر اسکو خاندان کے مردوں کو اٹھانے یعنی لاپتہ کرنے کی دھمکی دی جاتی ہے ۔جبری لاپتہ افراد کے ساتھ کیا ہوتا ہے سب واقف ہیں اور ان ریاستی دلالوں کی طاقت اور پہنچ سے بھی ہر بلوچ واقف ہے ان دھمکیوں اور خوف سے ایک دلیر بہادر لڑکی اتنی کمزور پڑی کہ اپنی قیمتی جان دے دی جو صرف اسکے لیے قیمتی نہیں تھی پوری قوم کے لے قیمتی تھی۔ بلوچستان ایک مقبوضہ علاقہ ہے اور سونے پہ سہاگہ ایک انتہائی غیر مہذب ریاست اس پر قابض ہے جو اخلاقی اقدار سے نا واقف ہے جسکے ظلم کی داستانیں بنگال کی سر زمیں پہ بکھری پڑی ہیں جہاں خواتین کو لاکھوں کی تعداد میں جبری زناکاری کا شکار کیا گیا۔

آج بلوچستان میں کیا اس سے الگ ہو رہا ہے؟ بلوچستان کی جنگ آج اس فیز میں داخل ھو چکی ہے جہاں بنگال کی تاریخ دہرائی جا رہی ہے یا اس میں اب تیزی لائی جائیگی کیا بلوچ آزادی پسندوں نے تنظیمی بنیادوں پر اسکے سدباب کی تیاری کی ہے؟ اپنی خواتین کو تیار کیا انہیں اعتماد دیا انکی ایسی تربیت کے اتنظامات کیے کہ وہ خودکشی جیسے عمل نہ کریں کیا یہ اعتماد دیا گیا کہ ان کے ساتھ ہونے والی کسی زیادتی یا بلیک میلنگ کی صورت میں وہ اپنے مردوں پہ بھروسہ کر سکیں یا مردوں میں تنظیمی بنیادوں پر ایسے آگائی مہم پہ کام کیا ۔کیا ھم نے بنگال میں خواتیں پر ہونے والے مظالم سے کچھ سیکھا؟