گوادر میں ہمیں اور بی وائی سی کے دیگر کارکنان کو مسلسل واچ کیا جارہا ہے، بی وائی سی رہنما صبغت عبدالحق

گوادر میں ہمیں اور بی وائی سی کے دیگر کارکنان کو مسلسل واچ کیا جارہا ہے، بی وائی سی رہنما صبغت عبدالحق

بلوچ یکجہتی کمیٹی کے رہنما صبغت عبدالحق نے اپنے سوشل میڈیا ایکس کے پر کہا ہے کہ گوادر میں ہمیں اور بی وائی سی کے دیگر کارکنان کو مسلسل واچ کیا جارہا ہے ساتھی جہاں بھی جاتے ہیں تو موٹر سائیکل اور گاڑیوں میں سوار مشکوک افراد پیچھا کرتے ہیں، آج گوادر میں پریس کانفرنس نہ کرنے کے لیے بھی بار بار پیغامات آئے اور پریس کانفرنس نہ کرنے کے لیے مختلف حربے استعمال کیے گئے مگر اس کے باوجود گوادر پریس کلب اور صحافیوں نے صحافتی ذمہ داری پوری کرتے ہوئے بھرپور شرکت کی، ان کا شکریہ ادا کرتے ہیں،
جمہوری طریقے سے پرامن جدوجہد کرنا ہمارا بنیادی حق ہے، اگر ریاست نے ریلی میں رکاوٹ ڈالنے کی کوشش کی اور ہمارے کارکنان کو کوئی بھی نقصان پہنچا تو اس کی ذمہ داری خفیہ ریاستی اور قانون نافذ کرنے والے اداروں پر ہو گی، ادارے یہ ہرگز نہ سمجھیں کہ دھمکیوں سے خاموش ہوں گے، اداروں کے رویوں سے واضح ہوتا ہے کہ ریاست باڑ کا کام مکمل کرنے کے لیے ہر حد تک جائے گا مگر وہ یہ بھی جان لیں کہ بلوچ سیاسی کارکنان بھی اس باڑ کے منصوبے کو روکنے کے لیے ہر سیاسی و قانونی پلیٹ فارم استعمال کریں گے،
آخر میں یہی کہوں گا جو بار بار کہتا ہوں کہ اتحاد اتحاد اتحاد، بلوچ کا اتحاد ہی اسے ہر دشمن سے بچائے گا اور اسے ہر میدان میں کامیاب کرے گا۔
یاد رہے بلوچ یکجہتی کمیٹی نے گوادر میں غیر انسانی و غیر قانونی باڑ لگانے کیخلاف پریس کانفرنس میں شدید احتجاجی پروگرام کا اعلان کیا ہے۔ جس میں احتجاجی ریلیاں، کانفرنسوں کا انعقاد سمیٹ ہر طرح کے پرامن مزاحمت کا اعلان کیا ہے جسکی شروعات آج گوادر میں احتجاجی ریلی سے کیا جائے گا۔ مارچ کے منتظمین بلوچستان کے ساحلی شہر گوادر میں ممکنہ باڑ لگانے کے اقدام کو روکنے کیلیے عوامی طاقت کے استعمال کرنے کا عندیہ دیا ہے۔