ہیں تلخ بہت بندۂ مزدور کے اوقات، بلوچستان میں کانکنوں کی زندگی

ہیں تلخ بہت بندۂ مزدور کے اوقات، بلوچستان میں کانکنوں کی زندگی

کیا کسی مزدور کی زندگی کی کوئی اہمیت نہیں ایک فرد سے اس کی پوری فیملی وابستہ ہوتی ھے بلوچستان کے کوئلہ کانوں میں سہولیات کی عدم موجودگی کی وجہ سے غریب مزدور آئے روز اپنی جان سے جاتے ہیں ۔

سال 2022 میں پاکستان بھر میں 288 کان کن حادثات میں جان سے گئے جس میں سب سے زیادہ یعنی 166 کان کنوں کا تعلق بلوچستان سے تھا۔ رواں سال کے پانچ مہینوں کے دوران بلوچستان کی کوئلے کی کانوں میں 18 حادثات ہوئے جن میں سے 24 کان کنوں کی موت واقع ہوئی ہے۔
سن 2023 کے شروع میں پاکستان میں انسانی حقوق کے لیے کام کرنے والے ہیومن رائٹس کمیشن نے 2022 میں بلوچستان کی کانوں میں ہونے والے حادثات کے تناظر میں اپنی ’فیکٹ فائنڈنگ رپورٹ‘ میں تشویش کا اظہار کیا تھا اور حکومت سے مطالبہ کیا تھا کہ مرکزی اور وفاقی حکومت کان کنوں کی حفاظت کے لیے عالمی قوانین پر عمل درآمد یقینی بنائیں

آل پاکستان لیبر فیڈریشن کی رپورٹس کے مطابق بلوچستان بھر میں اس وقت 3800 سے زائد کویلے کانیں فعال ہیں جن میں ایک لاکھ سے زائد مزدور ہر سال ایک کروڑ ٹن سے زائد کوئلہ نکالتے ہیں۔ صرف بلوچستان سے نکالے جانے والا کوئلہ پاکستان میں سالانہ بنیاد پر نکالے جانے والے کل کوئلے کا 50 فیصد سے زائد بنتا ہے محکمہ معدنیات بلوچستان کے اعداد و شمار کے مطابق لورالائی، دکی، بولان اور زیارت سمیت بلوچستان کے سات اضلاع میں مجموعی طور پر 268 ملین ٹن کوئلہ موجود ہے۔
بہت ہی افسوس ہوتا ھے ہر سال سینکڑوں مزدور ان کانوں میں عدم سہولیات کے باعث اپنی جان سے جاتے ھیں اور ان کے ساتھ ان کی پوری فیملی بھی جیتے جی مر جاتی ھے مگر کہتے ھیں نہ غریب کی زندگی کی کوئی قیمت نھیں ہوتی کسی کو کوئی فرق ہی نھیں پڑتا ۔

بلوچستان کے شمال مشرق میں واقع ضلع دکی کے علاقے معراج میں دو مزدور شراف خان اور عبدالباقی گزشتہ ڈیڑھ ماہ سے تقریباً 900 فٹ گہری کان میں پھنس گئے تھے اور تاحال نکل نہیں پائے ہیں۔ ان کی بھائی عبدالبصیر کہتے ہیں کہ چار مئی کو پھنسنے والے ان کے بھائی اور چچا زاد کے غم اور تڑپ نے سب کچھ بھلا دیا ہے۔ ’وہ تو زمین کے اندر پھنسے ہیں مگر ہمیں یہاں زمین کے اوپر بھی چین و سکون نہیں ہے۔ کہیں بھی آرام نہیں عبدالبصیر بتاتے ہیں کہ ان کے آٹھ بھائی اور رشتے دار پچھلے 40 سے زائد دنوں سے مسلسل یہاں دن و رات شدید کرب میں گزارنے پر مجبور ہیں۔ عید آنے والی ہے جس کے لیے ہم سب پریشان ہیں۔
’عبدالباقی چھوٹی عید پر بھی زیادہ دہاڑی کی لالچ میں گھر نہیں گیا تھا اب اس عید پر کیا جواب دیں گے، ہم تو دعا کرتے ہیں کہ خدا عید سے قبل ہی اس کی ہڈیاں ہمیں دے دے تاکہ گھر میں آنے والا غم ایک ہی بار ہو۔ مزدوروں اور پھنسے ہوئے کان کنوں کے خاندان کی طرف سے اپنی مدد آپ کے تحت جاری ریسکیو آپریشن میں چھ چھ گھنٹوں پر مشتمل چار شفٹوں میں مسلسل 24 گھنٹے کام جاری رہتا ہے اور ہر شفٹ میں رضا کارانہ طور پر کام کرنے والے آٹھ سے 12 مزدور ہوتے ہیں جن میں چار سے چھ کان کن، لوڈرز اور انجن چلانے والے شامل ہوتے ہیں۔
دکی کی 1400 سے زائد کانوں کے انتظامی امور سنبھالنے والے تین میں سے ایک مائنز انسپیکٹر مقصود احمد حسنی نے بتایا کہ معراج کی زیادہ تر کوئلے کی کانیں سخت اور پتھریلی ہونے کے بجائے مٹی کی ہیں جس میں پانی بھر جانے اور کان منہدم ہونے کے سبب سب کچھ کیچڑ بن چکا ہے۔
حسنی نے مزید بتایا کہ ’مائنز محکمے کے پاس ریسکیو آپریشن کے لیے نہ ہی کوئی مشینری ہے اور نہ ہی کوئی سالانہ بجٹ منظور ہوتا ہے۔
مقصود احمد بتاتے ہیں کہ 40 سال قبل بھی دکی میں کوئلے کی ایک کان میں اسی طرح سات کان کن پھنس گئے تھے جن میں سے تین کی لاشوں کو چار سال بعد نکالا گیا جبکہ بقیہ کو ابھی تک نہیں نکالا جاسکا ہے‘
پاکستان میں مزدوروں کے حقوق کے لیے کام کرنے والی تنظیم آل پاکستان لیبر فیڈریشن کے مطابق بلوچستان بھر میں ہزار سے زائد کوئلے کی ایسی غیر قانونی کانیں ہیں جن میں مسلسل کھدائی جاری رہتی ہے۔
بلوچستان میں ہزاروں کول مائنز ٹھیکدار بغیر رجسٹریشن اور کسی اندراج کے کوئلہ نکال رہے ہیں جن سے نہ صرف روزانہ کے بنیاد پر ہزاروں ٹن کوئلہ بغیر کسی ٹیکس کے فروخت کیا جاتا ہے بلکہ اس کے ساتھ ساتھ جب کوئی حادثہ پیش آ جاتا ہے تو چھپایا جاتا ہے یا پھر رپورٹ ہی نہیں کیا جاتا۔
دکی میں کانکنوں کے حقوق کی تنظیم کے رہنماء شیر محمد کاکڑ کا کہنا ہے کہ حفاظتی انتظامات نہ ہونے کی وجہ سے کانکنوں کی زندگیاں داؤ پر لگی ہوئی ہیں آئے روز حادثات کے نتیجے میں مزدوروں کی موت ہو رہی ہیں مگر حکومت اور کوئلہ کان مالکان کی جانب سے ان حادثات کی روک تھام اور حادثات کی صورت میں ریسکیو کے لیے مناسبت انتظامات اور وسائل موجود نہیں۔