25 جنوری بلوچ نسل کشی کی یادگار دن کے طور پر منایا جا رہا ہے تاکہ توتک کے اجتماعی اور لاوارث قبروں کے وارث ہونے کا پیغام دیا جا سکے۔ میر جاوید مینگل

25 جنوری بلوچ نسل کشی کی یادگار دن کے طور پر منایا جا رہا ہے تاکہ توتک کے اجتماعی اور لاوارث قبروں کے وارث ہونے کا پیغام دیا جا سکے۔ میر جاوید مینگل

آزادی پسند بلوچ رہنما میر جاوید مینگل نے اپنے سوشل میڈیا ایکس اکاونٹ سے جاری بیان میں کہا ہے کہ 25 جنوری بلوچ نسل کشی کی یادگار دن کے طور پر منایا جا رہا ہے تاکہ توتک کے اجتماعی اور لاوارث قبروں کے وارث ہونے کا پیغام دیا جا سکے۔ بلوچ قوم اگر ابھی بھی اپنی بقا اور تشخص کے لئے اٹھ کھڑے نہیں ہوئے تو یاد رکھیں تاریخ میں وہ قومیں جنہیں اپنی سرزمین، قومی تشخص، زبان و ثقافت کا احساس نہیں ہوتا وہ قومیں صفحہ ہستی سے مٹ جاتی ہیں۔ بدقسمتی سے ہمیں ایک ایسے کم ظرف دشمن کا سامنا ہے جو دہائیوں سے مسلسل ہماری نسل کشی کرتا چلا آرہا ہے۔ ہمیں دشمن کے اس گھناؤنے عمل کو دنیا کے سامنے لانا ہے اور انہیں یہ باور کرانا ہے کہ ہم بلوچستان کی سرزمین پر بسنے والے کوئی کیڑے مکوڑے نہیں جن کی نسل کشی پر دنیا نے آنکھیں بند کر رکھی ہیں۔ آج جس طرح بلوچ خواتین، ضعیف مرد اور معصوم بچے اس عمل کے خلاف اور اپنے پیاروں کی بازیابی کے لئے جو جدوجہد کررہے ہیں ان کے بلند حوصلوں کو نہ تپتی ہوئی دھوپ نے کمزور کیا اور نہ ہی برفانی سرد موسم نے، ان کے حوصلے آج بھی بلند ہیں۔