500 سے زائد لاشوں کی اجتماعی قبر، واش رومز میں نصب کیمرے اور مارٹر گولوں کی بارش…بلوچستان میں جنگی جرائم کی ہولناک کہانی

انٹرویو: ہانی بلوچ ، سینیر صحافی راجیش کمار

جہاں تک بلوچستان کا تعلق ہے تو یہ سمجھنا ہوگا کہ سب سے بڑا ظلم کسی پر تب ہوتا ہے جب اس کی آزادی چھین لی جائے۔ جب ہم بلوچستان میں جاری نسل کشی کی بات کرتے ہیں تو مجھے یقین ہے کہ اسے تجرباتی سرزمین کے طور پر استعمال کیا جا رہا ہے۔ پاکستان بلوچستان کے عوام پر اپنا انتہائی مظالم استعمال کر رہا ہے۔ یہاں مظالم کی داستانیں جان کر آپ دنگ رہ جائیں گے کہ کیا ایسے مظالم بھی ہوتے ہیں؟ پھر اگر ہم بات کریں اور دیکھیں کہ لوگوں کو مذہبی قومی بنیادوں پر قتل کیا جاتا ہے تو پاکستان میں کون محفوظ ہے؟

نہ ہندو محفوظ، نہ مسلمان محفوظ، نہ سکھ محفوظ، نہ احمدی محفوظ۔ ریاست کا آہین خود ان لوگوں کو جو قیام پاکستان کی جدوجہد کا حصہ تھے، یعنی احمدیوں کو کافر قرار دیتا ہے، پھر ان کی عبادت گاہوں کو جلایا جاتا ہے، انہیں قتل کیا جاتا ہے، گورنر سلمان تاثیر اس کی ایک مثال ہیں۔ جہاں گورنر بھی مذہبی جنوننیت سے محفوظ نہیں وہاں عام عوام کا کیا حال ہوگا؟

اس کے علاوہ اگر آج کے حالات کو دیکھیں۔ یہاں چھوٹی بچیوں کے ساتھ کیا کیا جا رہا ہے، 13-14 سال سے 18-20 سال کی لڑکیوں کو جبری مزہب تبدیل کروا کر ان کی مرضی کیخلاف شادی کر دی جاتی ہے۔ کوئی نہیں جانتا کہ پھر ان کے ساتھ کیا ہوتا ہے، کسی کو ان سے ملنے کی اجازت بھی نہیں ہوتی۔آپ سری لنکن منیجر کا کیس سے واقف ہونگے، جب اسے توہین مذہب کے الزام میں سڑک پر جلا دیا گیا تھا۔ ایک جلسہ میں ایک شخص کو اس کی چند باتوں پر ہجوم نے گھسیٹ کر مار ڈالا۔ کوئی پوچھنے والا نہیں کہ لوگ کیوں مارے جا رہے ہیں؟ کوئی قانون نہیں ہے۔ یہاں ایک طرف فوج ہے تو دوسری طرف مذہبی جنونی ہیں۔ دونوں مل کر اس ملک کو چلا رہے ہیں۔

بلوچستان کو 75 سال سے جو بنیادی حقوق ہیں، روزگار، تعلیم، پانی، صحت، بلوچستان ان انسانی حقوق سے آزاد ہو چکا ہے۔ آج جو کچھ ہے وہ ڈیتھ اسکواڈز اور فوج کے ہاتھ میں ہے بلوچستان کے سکول یا ہسپتال فوجی چھاؤنیاں بن چکے ہیں، جہاں ایف سی (فرنٹیئر کور) تعینات ہیں۔ آپ بلوچستان میں حیات بلوچ کی مثال یاد رکھیں۔ یہاں ظلم اس سطح پر ہے کہ ایک غریب مزدور گھرانہ کا بچہ جب وہ یونیورسٹی سے چھٹیوں پر مکران اپنے گھر آتا ہے۔ یہاں اس کے والدین کے سامنے اس کے ہاتھ باندھ کر آٹھ گولیاں ماری جاتی ہیں اور وہ بھی اس کی ماں کے دوپٹہ سے۔ 20-22 سال کی محنت اور والدین کی قربانیاں ان کی آنکھوں کے سامنے قتل کردی جاتی ہے۔ بلوچستان یونیورسٹی ایف سی (فرنٹیئر کور) کا ہیڈ کوارٹر کا منظر پیش کرتی ہے۔ حتی کہ ٹارچر سیل تک بنائے گئے ہیں۔طلباء وہاں کیا پڑھتے ہونگے جو مسلسل خوف میں مبتلا ہیں، طلباء تنظیموں پہ پابندی عاہد ہے ،طلباء لیڈرز کو زندانوں میں قید کر دیا گیا یا شہید کر دیے گئے۔ بلوچ تعلیم کے لیے سندھ، پنجاب یا اسلام آباد جاتے ہیں، تو ان کی پروفائلنگ کی جاتی ہے۔ بلوچستان یونیورسٹی میں لڑکیوں کے واش رومز میں کیمرے لگاے گئے ۔

بلوچستان میں گھر حتی کہ پوری پوری بستیاں جلا دی جاتی ہیں عام عوام پر گولہ باری کیجاتی ہے ۔ مارٹر گولوں سے دو بچے جاں بحق ہوئے تھے اور ان کے والدین انصاف کے حصول کے لیے کویٹہ آئے تھے۔ ان بچوں کی لاشوں کے ساتھ اسمبلی کے سامنے دھرنا دیا گیا ۔ ویسے یہاں کی اسمبلی صرف وفاق پر یقین رکھنے والوں کی بنتی ہے اور جس کو 400 ووٹ نہیں ملتے وہ بلوچستان کا وزیراعلیٰ بن جاتا ہے۔ یہاں جس نے بھی اپنے حقوق کی بات کی، وہ قلم کار ہو، غزل کار ہو، فنکار ہو، صحافی ہو، سب اپنی جان سے ہاتھ دھو بیٹھے، 10 سال کے اندر 45 صحافی مارے گئے۔ جس نے بھی آواز اٹھائی اسے یا تو مار دیا گیا یا زندہ قید کر دیا گیا۔ وہ بھی ایسے زندانوں میں جہاں سے کوئی خبر نہیں آتی۔ کچھ 10 سال سے لاپتہ ہیں، کچھ 12 سال سے لاپتہ ہیں۔ معاملہ عدالتوں تک نہ پہنچنے کی وجہ سے اہل خانہ کو یہ بھی نہیں معلوم کہ وہ شخص زندہ ہے یا مار دیا گیا ہے۔

بلوچستان میں میڈیا بلیک آؤٹ ہے، انٹرنیشنل میڈیا نہیں آ سکتا، این جی اوز آئیں تو انہیں بھی بلوچستان نہیں لایا جاتا۔ انسانی حقوق کی کوئی تنظیم یہاں نہیں آ سکتی۔یہاں روزانہ کی بنیاد پر بلوچوں کو لاشیں دی جارہی ہیں۔ میں ایک مثال دے رہی ہوں۔ تہوار کسی بھی کمیونٹی کے لیے اہم ہوتے ہیں۔ اس عید پر بھی پانچ میتیں بلوچستان روانہ کی گئیں۔ جب لوگ دور دور سے عید منانے آتے ہیں۔ جیسا کہ وہ ہولی دیوالی پر کرتے ہیں۔ عید پر لوگ اپنے گھروں، اپنے لوگوں میں رہنا چاہتے ہیں اور بلوچوں کو کیا ملا… پانچ لاشیں؟ یہ بلوچستان کے 40-50 ہزار گھروں کے لیے افسوسناک پیغام ہے۔یہاں انسانوں کو جانوروں کی طرح مارا جا رہا ہے اور دنیا خاموش ہے، لوگ عید پر شاپنگ کرتے ہیں، مزے کرتے ہیں، ہمارے لوگ لاشوں کی شناخت کے لیے جاتے ہیں، اسپتالوں کے باہر لائن لگی ہوتی ہے۔

کہی لوگ یہ دعا بھی کرتے ہیں کہ یہ ان کی اپنے کی لاش ہو تاکہ انہیں یقین ہو جائے کہ وہ شخص مر گیا اسکی تکلیف ختم ہوئی۔ اس کی وجہ یہ ہے کہ بلوچستان میں جس طرح کی تشدد زدہ لاشیں آتی ہیں، ان کے والدین بھی انہیں پہچان نہیں پاتے۔ میں دنیا سے اپیل کرتی ہوں کہ پاکستان جس طرح بلوچوں کی نسل کشی کر رہا ہے کم از کم دنیا بلوچوں کو اس قبضہ سے آزاد کرانے کے لیے مداخلت کرے۔ میں عالمی برادری، ہندوستان، اقوام متحدہ سمیت عرب ممالک انسانی حقوق کی پامالیوں کا نوٹس لیں۔یہاں تک کہ بلوچ خواتین کو بھی اٹھا لیا جاتا ہے۔ جیلوں میں، تھانوں میں، زندانوں میں قید ہیں۔ عصمت دری کے واقعات ہوتے ہیں۔ ایک بلوچ بزرگ سے کہا گیا کہ وہ اپنی بیٹی فوجی کیمپ لائے تو اس کے گرفتار بیٹے کو چھوڑ دیا جائے گا اس تکلیف سے اس نے خودکشی کر لی۔ یہ فوج وہی ہے جو بنگال میں تھی اور بلوچوں کے ساتھ وہی کر رہی ہے جو بنگال میں کی۔

عالمی برادری بلوچوں کو 1948 میں یہاں پر جبری قبضہ کے جال سے بچائے ۔ اس عرصے میں فوج کی جانب سے کیے گئے جرائم کے خلاف عالمی عدالت انصاف میں مقدمہ چلایا جائے بلوچستان میں اجتماعی قبریں ملی ہیں، ایک قبر میں 150 سے زائد لاشیں ملتی ہیں، ایسی قبریں ہیں جہاں صرف نمبر لکھے جاتے ہیں، نام نہیں۔ چند ماہ قبل نشتر ہسپتال کی چھت سے 500 لاشیں ملی سوال یہ ہے وہ لاشیں کس کی تھیں جبکہ انکا لباس اور خدوخال بلوچ یا پشتون سے ملتا جلتا تھا ہزاروں کی تعداد میں بلوچ لاپتہ ہیں دنیا کو ان سوالات پر کم از کم پاکستان کو جوابدہ کرنا چاہیے۔ ہزاروں مائیں سڑکوں پر ہیں لہٰذا پاکستان کو کسی بھی عدالت میں جوابدہ بنایا جائے۔ آج جب سوشل میڈیا یا آپ جیسے میڈیا دوستوں کے ذریعے بلوچوں کی کہانی دنیا میں سامنے آرہی ہے تو پاکستان کو کم از کم ان کا جواب دینا چاہیے۔ یہاں ہونے والے ایٹمی دھماکے کی وجہ سے بلوچستان کینسر کا گڑھ بن چکا ہے۔ عورتوں سے لے کر بچوں تک کئی قسم کی جلدی بیماریوں میں مبتلا ہیں حفاظتی اقدامات کیے بغیر چاغی میں ایٹمی دھماکہ کیا گیا آج بھی معذور بچے پیدا ہوتے ہیں۔ پاکستان سے یہ کون پوچھے گا، جب تک کوئی بلوچ کی آواز نہ بن جائے۔ کسی بھی ملک یا عوام پر سب سے بڑا ظلم یہ ہوتا ہے کہ اس کے لوگوں کو غائب کر دیا جائے۔ سوچیں بلوچ کس حال میں ہوں گے، جب آج ان کے ہزاروں لوگ لاپتہ ہیں، آج بھی فوجی آپریشن جاری ہے، تعلیم غائب ہے، تعلیمی مراکز فوجی کیمپ بن چکے ہیں۔

لوگوں کے پاس پینے کا پانی نہیں۔ بلوچ آج بھی ان جوہڑوں (تالابوں) سے پانی پیتے ہیں جہاں بارش کا پانی جمع ہوتا ہے، جہاں جانور اور انسان مل کر پانی پیتے ہیں۔ روزگار کا حال یہ ہے کہ گزشتہ رمضان میں جب کچھ نوجوان بلوچ سرحدی علاقے میں روزگار کے لیے گئے تھے تو فوج نے ان کے گاڑی کے انجن میں ریت ڈالی، پانی چھین لیا اور وہ ایڑیاں رگڑ کر مر گئے۔ بلوچ اپنے طور پر لڑ رہے ہیں لیکن بین الاقوامی سطح پر اس کی آواز بننا ضروری ہے۔ جس طرح کے مظالم اور جارحیت پاکستانی ریاست اور اس کی فوج بلوچوں پر کر رہی ہے اسکے لے مضبوط آوازوں کی ضرورت ہے۔ بلوچ، سندھی، پشتون، ہندو، سکھ یا احمدی کوئی محفوظ نہیں لہٰذا کم از کم دنیا کو اس ملک پر ہر قسم کی سفری و تجارتی پابندیاں عائد کرنی چائیے۔ تاکہ جس سطح پر یہ انسانی حقوق کی دھجیاں اڑا رہا ہے، دنیا کو ایک آواز بن کر آگے آنا ہو گا، تاکہ ریاست پاکستان کو روکا جا سکے۔ بھارت سمیت دنیاء کے مہزب ممالک سے درخواست کروں گی کہ وہ بین الاقوامی سطح پر بلوچستان کی آواز بنیں۔ یہ وہ گینگ ہے، وہ ریاست ہے، جو اپنے جرایم کو ہر سطح تک لے جائیگی۔ اگر یہ بادشاہت مزید قاہم رہی تو کوئی بھی ملک یا قوم اس کی تباہی سے بچ نہیں سکے گا۔ ہم افغانستان کی مثال دیکھ رہے ہیں۔ اسے تباہ کرنے میں پاکستان کا ہاتھ تھا۔ بھارت سیاسی طور پر آگے آئے اور آزاد بلوچستان کی حمایت کرے۔

نوٹ: یہ آرٹیکل ہانی بلوچ کی بھارتی نیوز چینل ABP کے لیے لی گئی ہندی انٹرویو کا اردو ترجمہ اور خلاصہ ہے۔ جسے قارہین کی خدمت میں پیش کیا جارہا ہے۔ بشکریہ ABP نیوز