امریکی وزیرِ خزانہ اسکاٹ بیسنٹ: ’’ہم ایرانی سانپ کا سر دفنا رہے ہیں‘‘

واشنگٹن: امریکی وزیرِ خزانہ اسکاٹ بیسنٹ نے ایران کے حوالے سے سخت بیان دیتے ہوئے ایرانی حکومت کے خاتمے کا دعویٰ کیا ہے۔

اسکاٹ بیسنٹ نے ایران کا موازنہ ایک زہریلے سانپ سے کرتے ہوئے کہا کہ ’’سانپ کو ابھی یہ معلوم نہیں کہ وہ مر چکا ہے، لیکن سورج غروب ہوتے ہی اس کا تڑپنا بند ہو جائے گا۔‘‘

انہوں نے اپنے بچپن کا حوالہ دیتے ہوئے کہا کہ ساؤتھ کیرولائنا میں ان کے صحن میں زہریلے سانپ نکل آتے تھے، جن کا سر قلم کرنے کے بعد بھی دُم کچھ دیر حرکت کرتی رہتی تھی۔

بیسنٹ نے کہا: ’’آپ کو سانپ کا سر دفنانا پڑتا ہے۔ ہم ایرانی سانپ کا سر دفنا رہے ہیں۔‘‘

انہوں نے مزید دعویٰ کیا کہ ’’ایرانی حکومت کا خاتمہ ہو چکا ہے اور جلد ہی انہیں بھی اس بات کا اندازہ ہو جائے گا۔‘‘