برطانیہ نے اپنی فوج میں خدمات انجام دینے والے اپنے سب سے زیادہ وفاداروں کو اقتدار دینے کیلئے ہندوستان کو تقسیم کیا۔ سالگرہ کی تقریب سے الطاف حسین کا خطاب

برطانیہ نے اپنی فوج میں خدمات انجام دینے والے اپنے سب سے زیادہ وفاداروں کو اقتدار دینے کیلئے ہندوستان کو تقسیم کیا۔ سالگرہ کی تقریب سے الطاف حسین کا خطاب

پاکستان کی تاریخ اچھی نہیں رہی اور نوجوان نسل کو پاکستان کی اصل تاریخ سے لاعلم رکھاگیا ہے۔ سلطنت برطانیہ نے اپنی فوج میں خدمات انجام دینے والے اپنے سب سے زیادہ وفاداروں کو اقتدار دینے کیلئے ہندوستان کو تقسیم کیا تاکہ برطانوی سلطنت ہندوستان سےجانےکےبعد بھی ساؤتھ ایشیاریجن میں اپنااثرورسوخ قائم ودائم رکھ سکے۔جب برطانوی سلطنت کے وفاداروں نے دیکھا کہ قائداعظم محمد علی جناح ان کی مرضی کے برخلاف پاکستان کو آزاد وخودمختار مملکت بنانا چاہتے ہیں تو1948ء میں انہیں سلوپوائزن دیکربلوچستان کے شہر زیارت بھیج دیاگیاجہاں ان کی طبیعت مزیدبگڑنے لگی اور جب ان کی سانسیں اکھڑنے لگیں تو انہیں سازش کے تحت ایک خراب ایمبولنس میں کراچی روانہ کیاگیا۔یہ ایمبولینس راستے میں خراب گئی اور قائداعظم راستے ہی میں جاں بحق ہوگے۔ اس کے بعد1951ء میں قائداعظم کے دستِ راست اورملک کے پہلے وزیراعظم خان لیاقت علی خان کو بھی ملٹری اسٹیبلشمنٹ نے سازشی منصوبے کےتحت لوگوں کو ہائر کرکےراولپنڈی کے بھرے جلسے میں قتل کروادیا، اس کے بعد قائداعظم کی بہن محترمہ فاطمہ جناح نے حوصلے اورہمت سے کام لیا اور ملک میں پہلا مارشل لاء نافذ کرنے والے جنرل ایوب خان کی ڈکٹیٹر شپ کے خلاف عوامی مہم کی قیادت کی۔ انہوں نے 1964ء میں جنرل ایوب خان کے مقابل صدارتی الیکشن لڑا لیکن انہیں دھاندلی کرکے ہرادیاگیا۔ محترمہ فاطمہ جناح نے جنرل ایوب خان کے آمرانہ اقدامات کے خلاف جو پٹیشنز دائر کی تھیں ان کی سماعت سے قبل ہی محترمہ فاطمہ جناح کو ان کے گھرمیں قتل کردیاگیا۔ اس کے بعدپاکستان پر ملٹری اسٹیبلشمنٹ کاقبضہ قائم ہوگیا جوکہ آج تک جاری ہے۔ ملٹری اسٹیبلشمنٹ کی وجہ سے پاکستان کا کوئی بھی منتخب وزیراعظم اپنی مدت پوری نہیں کرسکا،ذوالفقارعلی بھٹو کو پھانسی پرلٹکادیا گیا، محترمہ بے نظیربھٹو کو قتل کردیاگیااور اس کے بعدبھی ہرمنتخب حکومت کا تختہ گرایاجاتارہا۔

جب پاکستان میں عمران خان صاحب کی حکومت آئی تو وہ اقتدار مافیا کی سازشوں سے ناواقف تھے اور انہیں فوجی جرنیلوں کے کرتوتوں کاسرے سے علم ہی نہیں تھا،جب وہ وزیراعظم بن گئے تو ان کی صبح شام آئی ایس آئی اور ایم آئی کے چیفس اورفوج کی اعلیٰ قیادت کے ساتھ بیٹھک ہونے لگی، وہ صرف جی ایچ کیو اور آبپارہ میں ہی نہیں بلکہ فوجی جرنیلوں اورججوں کے گھروں میں منعقد ہونے والی تقریبات میں بھی شرکت کیاکرتے تھے۔ چونکہ عمران خان جاگیردار، وڈیرے یا سرمایہ دار نہیں تھے بلکہ اپرمڈل کلاس طبقے سے تعلق رکھتے تھے۔ جب عمران خان نے فوجی جرنیلوں اورسپریم کورٹ کے ججوں کی ذاتی زندگیوں کا مشاہدہ کیا تو انہیں معلوم ہوا کہ ان کی دنیا ہی الگ ہے، انہوں نے جان لیا کہ پاکستان میں صرف جرنیلوں اورججوں کا ہی راج نہیں ہے بلکہ ان کے اوپر سپرطاقت امریکہ بھی ہے، پاکستان امریکہ کی کالونی بناہوا ہے، پاکستان کی خارجہ پالیسی امریکہ تشکیل دیتا ہے، وہی پاکستانی جرنیلوں کو ہدایت دیتا ہے کہ کوئی فلسطین میں کتنا ہی قتل عام کیوں نہ کرے لیکن پاکستان میں کوئی بھی فلسطین کا جھنڈا نہیں لگائے گا۔ جب عمران خان نے غیرملکی مداخلت کو للکارا اورحقیقی آزادی کا نعرہ بلند کیاتو انہیں جھوٹے مقدمات میں ملوث کرکے جیل میں قید کردیاگیا اور وہ آج کے دن تک جیل میں قید ہیں۔

یہ تاریخی حقائق ہیں کہ جو باتیں عمران خان صاحب آج کررہے ہیں، الطاف حسین نے یہ باتیں قوم کو اس وقت بتادی تھیں جب عمران خان سیاست کی الف ب سے ناواقف تھے، عمران خان سے قبل کرپٹ فوجی جرنیلوں کو للکارنے والی آواز صرف اورصرف الطاف حسین ہی کی تھی،پاکستان میں الطاف حسین کے علاوہ جرنیلوں کی کرپشن اورغلط اعمال کی نشاندہی کرنے والا کوئی نہیں تھا۔ الطاف حسین نے 47 سال قبل فرسودہ جاگیردارانہ، وڈیرانہ اور جنرل شاہی کے نظام اورسیاست میں فوج کی مداخلت کے خلاف بات کی تو پورے پاکستان میں مجھے ملک دشمن، غدار، بھتہ خور، غیرملکی ایجنٹ قراردیدیاگیا اور دیگر الزامات عائد کیے گئے۔فوج نے پورے ملک خصوصاً صوبہ پنجاب اور صوبہ خیبرپختونخوا کے لوگوں کے ذہن ایسے بنادیے تھے کہ وہ فوج پر جائز تنقید کو بھی گناہ سمجھتے تھے اور یہی وجہ ہے کہ وہ سچ اور حق بیان کرنے پر الطاف حسین کو ملک دشمن سمجھنے لگے۔

آج الطاف حسین کی باتیں عمران خان صاحب کے منہ سے نکل رہی ہیں،اب خیبرپختونخوا کے لوگوں کو احساس ہورہا ہے کہ فوج نے KPK میں طالبان کو مسلط کیا، ان کے ذریعے دہشت گردیاں کرائیں،صوبہ خود کش دھماکوں کی زد میں آگیا اور غریب پٹھانوں کو IDPs بناکر کیمپوں میں بھیج دیا گیا، فوجی آپریشن کے نام پر پختونوں پر قیامتیں ڈھائی گئیں اور جب آرمی پبلک اسکول پشاور کاسانحہ ہوا تو پختونوں کی آنکھیں کھلیں کہ تمام قتل عام کے پیچھے کون ہے۔ صوبہ پنجاب کے عوام کل تک فوج کے خلاف جائز شکایت سننے کو تیار نہ تھے مگر آج اللہ کے فضل وکرم سے وہ اس بات کو تسلیم کررہے ہیں کہ پاکستان پر 78 برسوں سے فوج کا قبضہ ہے، فوجی جرنیلوں اورججوں کے بچے بیرون ملک تعلیم حاصل کرتے ہیں، ان کیلئے الگ اسکول اورالگ اسپتال ہیں اورفوجی جرنیل ریٹائرمنٹ کے بعد خاندان سے سمیت بیرون ملک زندگی گزارتے ہیں۔ فوجی جرنیلوں کی حب الوطنی اس وقت تک ہوتی ہے جب تک ان کے ہاتھ میں چھڑی ہوتی ہے اورچھڑی ہاتھ سے نکل جائے تو ہیرے جواہرات اور مال ودولت ان کے ایمان کاحصہ بن جاتے ہیں۔

اللہ کا شکر ہے کہ جو لوگ حقائق بیان کرنے پر مجھے برا بھلا کہاکرتے تھے آج وہ برملا تسلیم کررہے ہیں کہ وہ واقعتا نادان تھے اورمیرے خلاف پھیلائی گی فوج کی باتوں پر یقین کرتے رہے جس پر وہ شرمندہ ہیں۔ آج ان کے ذہنوں سے بھی یہ بات صاف ہوگئی ہے اوراب پورے پاکستان میں وہی حق اور سچ گونج رہا ہے جو الطاف حسین 35 برسوں سے قوم کو بتاتا چلاآرہا ہے۔ کرپٹ فوجی جرنیلوں کے بارے میں جو باتیں میں نے 35 برس قبل کہی تھیں آج وہی باتیں پاکستان کا بچہ بچہ کہہ رہا ہے، میری باتوں کو تسلیم کررہا ہے، یہ میرے نظریئے کی کامیابی کے ساتھ ساتھ تحریک کے ثابت قدم ساتھیوں، شہیدوں، لاپتہ اوراسیر ساتھیوں کی قربانیوں کا صلہ ہے۔

قربانیوں کے بغیرنہ تو نظریہ پھیلتا ہے اورنہ ہی کسی تحریک کو منزل ملاکرتی ہے، اسلامی تاریخ کا مطالعہ کریں تومعلوم ہوگا کہ ہزاروں مسلمانوں نے جام شہاد ت نوش کیاتھا تب جاکر فتح مکہ ہوا۔ لہٰذا ہمیں اپنے مشن و مقصد کیلئے کسی بھی قسم کی قربانی گریز نہیں کرنا چاہیے۔