بلوچ پیپلزکانگریس یورپ اور جنوبی کوریا میں سات نئے پارٹی چیپٹرز کھولنے کا اعلان۔ بلوچ پیپلز کانگریس

پریس ریلیز:

بلوچ پیپلزکانگریس یورپ اور جنوبی کوریا میں سات نئے پارٹی چیپٹرز کھولنے کا اعلان۔ بلوچ پیپلز کانگریس

ایک پریس ریلیز جاری کرتے ہوئے بلوچ پیپلزکانگریس یورپ اور جنوبی کوریا میں سات نئے پارٹی چیپٹرز کھولنے کا اعلان کرتے ہوئے پارٹی میں شامل ہونے والے نئے ارکان کو تہہ دل سے خوش آمدید کہا گیا ہے۔

یورپ میں حالیہ رابطہ مہم کے دوران بلوچ پیپلزکانگریس کی مرکزی چیئرپرسن اور جلاوطن آزاد بلوچستان حکومت کی وزیراعظم راجبانک نائلہ قادری بلوچ، سیکرٹری جنرل عظیم بلوچ جھدکار اور بلوچی زبان شناس واجہ صدیق آزاد بلوچ، بلوچ وائس ایسوسی ایشن کے صدر اور اقوام متحدہ میں بلوچ نمائندے واجہ منیر مینگل بلوچ، مجلس عاملہ کی رکن بانک درین بلوچ اور بلوچ پیپلز کانگریس کے نوجوان راھنماوں کے قافلے کا استقبال جلاوطن بلوچوں نے جن میں خواتین اور بچے بھی شامل تھے، انتہائی محبت اور احترام سے کیا، پھولوں کے گلدستےپیش کیے گئے اور راج بانک ڈاکٹر نائلہ قادری کوبلوچی چادر شماگ پہناکر اپنے عزیز راھنماوں کا استقبال کیا گیا۔ اس موقع پر کئی جذباتی مناظر کیمروں نے محفوظ کرلئے جب بلوچ خواتین نے راج بانک نائلہ قادری کوبہتے آنسووں کے ساتھ انتہائی محبت سے گلے لگاکربلوچ قوم کے لئے ان کی طویل اور ان تھک جدوجھد کو خراج تحسین پیش کیا وطن سے دور وطن کی آبرو کے سفرمیں جرمنی، نیدرلینڈ، بلجیم، لکسمبرگ، فرانس اورسوئیٹزرلینڈ میں مقیم بلوچوں نے پرجوش انداز میں شرکت کی۔ ان میں خطوط ڈیورنڈ، مکموھن اور گولڈ سمتھ کے تمام جانب کے بلوچ خاندان شامل تھے۔ بلوچ رابطہ مہم کے قافلے میں اٹلی، یونان اور جنوبی کوریا کے بلوچ بھی شامل ہوگئے۔ تاریخ میں پہلی مرتبہ دیکھنے میں آیا کہ کسی بلوچ پارٹی کی مرکزی لیڈرشپ نے ساتھیوں کے ساتھ یورپ کے اہم ممالک کے مرکزی شہروں کا دورہ کرکے جلاوطن بلوچوں کو متحد اور منظم کیا۔ اس دوران بلوچی ھال ھاوال کے بعد سیاسی تجزیے، پالیسیوں، حکمت عملی، ساتھیوں کو جلاوطنی و مہاجرت میں درپیش مسائل پر سیرحاصل گفتگو ہوئی اور سب نے مل کر روائیتی بلوچی کھانے نوش فرمائے۔ بلوچی دیوان میں واجہ صدیق آزاد کی بلوچی شاعری اورورنا شعیب تاج بلوچ کے ساز و آواز نے بلوچ مٹی کی خوشبو بکھیردی۔ ماحول بےحد پرتاثیر رہا، نوجوانوں نے اظہار کیا کہ گھراور وطن سے جدا ہونے کے سالوں بعد پہلی مرتبہ ہمیں خوشی اور اپنائیت کا احساس ہوا ہے۔ دورہ یورپ کی مثبت نتائج میں جہاں بلوچ نسل کشی فوجی مظالم پر کانفرنسوں کے ذریعے آگاہی دی گئی، یورپی پارلیمان کے ممبروں، دنیا بھر میں آزادی کے لئے جدوجھد کرنے والی تحریکوں کے رھنماوں، اقوام متحدہ کے ذمہ دار آفیشلزاور میڈیا سے ملاقاتیں کی گئیں وہاں سب سے زیادہ قابل ذکر جلاوطن بلوچوں سے جڑنا، بلوچ اتحاد کے لئے پیش رفت، بڑی تعداد میں بلوچ پیپلزکانگریس کی نئی رکن سازی، یورپی ممالک اور جنوبی کوریا میں پارٹی کے سات نئے چیپٹر قائم کرنا اور آرگنائزرز کا چناو ہیں۔ آرگنائزرز کی تفصیل: واجہ بشیر بلوچ جرمنی، واجہ تاج بلوچ فرانس، ورنا عبداللہ بلوچ نیدرلینڈ، ورنا عادل بلوچ بلجیئم، ورنا مراد بلوچ یونان، ورنا عزیز بلوچ اٹلی اور واجہ دوستین بلوچ جنوبی کوریا۔ آرگنائزرز کومزید ممبرسازی، شہروں میں یونٹ سازی مکمل کرکے کابینہ کے الیکشن کرانے کی ذمہ داری سونپی گئی۔ بلوچ پیپلز کانگریس آرگنائزرز اور نئے شامل ہونے والے ساتھیوں کو دل کی گہرائیوں سے مبارک باد دیتے ہیں اور امید کرتے ہیں کہ ان کی رھنمائی میں پارٹی اور بلوچ قومی تحریک پرزور طریقے سے آگے بڑھے گی، ھم ھر مشکل میں ایک دوسرے کا ساتھ دیں گے اور مادروطن بلوچستان کی جدوجھد آزادی کو مل کرانجام دیں گے۔