بلوچ یکجہتی کمیٹی حب کی جانب سے نکالی گئی احتجاجی مظاہرے پر فورسز کی فائرنگ اور گرفتاریوں کی شدید مذمت کرتے ہیں – بلوچ وومن فورم

بلوچ یکجہتی کمیٹی حب کی جانب سے نکالی گئی احتجاجی مظاہرے پر فورسز کی فائرنگ اور گرفتاریوں کی شدید مذمت کرتے ہیں

بلوچ وومن فورم

بلوچ وومن فورم حب اور دیگر علاقوں میں بلوچ یکجہتی کمیٹی کے پرامن احتجاج پر ریاستی فورسز کی فائرنگ، گرفتاریوں، لاٹھی چارج اور مظاہرین پر تشدد کی شدید الفاظ میں مذمت کرتی ہے۔ یہ واقعے ریاستی جبر کی ایک تازہ ترین اور خطرناک مثال ہے جس میں نہ صرف بنیادی انسانی حقوق کی خلاف ورزی کی گئی بلکہ بلوچ عوام کے سیاسی وجود اور آواز کو طاقت کے زور پر خاموش کرنے
کی کوشش کی گئی۔

بلوچ وومن فورم اس بات پر شدید تشویش کا اظہار کرتے ہیں کہ
حب میں درجنوں پرامن مظاہرین کو بلاجواز گرفتار کیا گیا، جن میں خواتین اور نوجوان شامل ہیں۔
مظاہروں پر براہ راست فائرنگ اور لاٹھی چارج کے ذریعے خوف و ہراس پھیلانے کی کوشش کی گئی۔

حب واقعہ نہ صرف بنیادی انسانی حقوق کی کھلی خلاف ورزی ہے، بلکہ بلوچ عوام کی سیاسی آزادی، مزاحمتی حق اور آئینی اظہار رائے پر ایک کھلا حملہ ہے۔

بلوچ وومن فورم واضح کرتے ہیں کہ
بلوچ خواتین محض مظلوم نہیں، مزاحمت کی فرنٹ لائن پر ہیں۔ ڈاکٹر ماہ رنگ بلوچ، بیبو بلوچ اور دیگر رہنماؤں کی گرفتاری بلوچ خواتین کے حوصلے توڑنے میں ناکام رہی ہے۔

ریاستی فائرنگ اور لاٹھی چارج نے ایک بار پھر ثابت کر دیا ہے کہ ریاست نہ تو بلوچوں کی سیاسی شناخت تسلیم کرتی ہے، نہ ان کے پرامن احتجاج کو
جبری گمشدگیوں کا تسلسل اور احتجاج کرنے پر گولیاں برسانا، اس بات کا ثبوت ہے کہ ریاست جمہوریت کی آڑ میں آمریت نافذ کر چکی ہے۔