بلوچستان کے علاقے بولان، چمالنگ، راڑہ شم و گردنواح میں پاکستان فوج کی آپریشن جاری

بلوچستان کے علاقے بولان، چمالنگ، راڑہ شم و گردنواح میں پاکستان فوج کی آپریشن جاری، گن شپ ہیلی کاپٹروں سے شیلنگ و دھماکوں کی اطلاعات ہیں۔اطلاعات کے مطابق گذشتہ شب سے چمالنگ، راڑہ شم اور بغاؤ کے علاقوں میں پاکستان فوج کی بڑی تعداد پیدل اور گاڑیوں میں پیش قدمی کررہی ہے جبکہ اس دوران ہیلی کاپٹروں کی پروازیں بھی جاری رہیں۔

علاقائی ذرائع نے ٹی بی پی کو بتایا کہ فوجی اہلکاروں کی ایک بڑی تعداد میں چمالنگ پہنچ چکی ہے جبکہ ہیلی کاپٹروں کی مسلسل پروازیں جاری ہے۔

دوسری جانب راڑہ شم اور بغاؤ کے علاقوں میں فوج پیش قدمی کررہی ہے۔

ذرائع نے بتایا کہ کوہلو میں فوجی ساز و سامان سمیت اہلکاروں کے جمع ہونے کی اطلاعات ہیں تاہم تاحال ہیلی کاپٹروں کی آمد و رفت دیکھنے میں نہیں آئی ہے۔

بلوچستان کے علاقے قلات، مستونگ اور ہرنائی بھی پاکستان فوج کی آپریشن جاری ہے، مذکورہ علاقوں میں ہیلی کاپٹروں کی آمد و رفت دیکھی گئی ہے۔

اطلاعات کے مطابق ہرنائی میں فوجی ہیلی کاپٹروں کی آمد و رفت جاری ہے، زاوی، تنک، شرین، پھوڑ وڈھ اور شورو سمیت مختلف علاقے فوجی آپریشن کی زد میں ہیں۔

دریں اثناء قلات و مستونگ کے علاقوں ناگاہو اور اسپلنجی میں بھی فوجی ہیلی کاپٹروں کو دیکھا گیا ہے تاہم اس حوالے سے مزید تفصیلات آنا باقی ہے۔

خیال ہے گذشتہ روز سے بولان، ہرنائی، چمالنگ سمیت کیچ کے مختلف علاقوں میں فوجی آپریشن جاری ہے۔

پاکستانی حکام نے تاحال اس حوالے سے کوئی تفصیلات فراہم نہیں کی ہے تاہم مذکورہ علاقوں میں فوج کو پیدل و گاڑیوں کے ذریعے پیش قدمی کرتے ہوئے دیکھا گیا ہے۔