‏بولان کریم کی جبری گمشدگی کو 12 سال مکمل، خاندان کی جانب سے پسنی میں ریلی اور انسانی حقوق کے تنظیم کی جانب سے ایکس پر مہم کا اعلان۔

‏بولان کریم کی جبری گمشدگی کو 12 سال مکمل، خاندان کی جانب سے پسنی میں ریلی اور انسانی حقوق کے تنظیم کی جانب سے ایکس پر مہم کا اعلان۔

12 سال قبل 4 جنوری 2013 کو، بولان کریم کو پسنی سے جبری طور پر لاپتہ کیا گیا تھا۔ ان کی گمشدگی آج بھی ان کے خاندان کے لیے ناقابل بیان کرب کا سبب بنی ہوئی ہے۔ یہ اجتماعی سزا کی بدترین مثال ہے، جو ایک شخص کو اس کے خاندان سے طویل عرصے تک دور رکھنے کی صورت میں دی جا رہی ہے۔

بولان کریم کی بازیابی کے لیے ان کے خاندان کی جانب سے ایک احتجاجی ریلی کا انعقاد کیا جائے گا۔ یہ ریلی 4 جنوری کو شام 4 بجے کوئٹہ ہوٹل سے شروع ہو کر پسنی پریس کلب پر اختتام پذیر ہوگی۔ ریلی میں شرکت کے لیے تمام باشعور شہریوں، سماجی کارکنوں اور انسانی حقوق کے علمبرداروں سے اپیل کی جاتی ہے کہ وہ اس مظاہرے میں شامل ہو کر انصاف کی حمایت کریں۔

اسی دن بلوچ وائس فار جسٹس کی جانب سے ایک سوشل میڈیا مہم کا بھی چلائی جائے گی۔ یہ مہم خاص طور پر ایکس (ٹوئٹر) پر چلائی جائے گی تاکہ بولان کریم کی بازیابی کے لیے آواز کو عالمی سطح پر بلند کیا جا سکے۔
اگر آپ پسنی میں موجود ہیں، تو ریلی میں شرکت کرکے بولان کریم کے خاندان کے لیے حمایت کا مظاہرہ کریں۔
اگر آپ پسنی میں نہیں ہیں، تو سوشل میڈیا مہم میں بھرپور حصہ لیں اور اپنی آواز بلند کریں۔ آپ کی ایک پوسٹ بھی انصاف کے حصول کے لیے بڑی امید بن سکتی ہے۔
یہ وقت ہے کہ ہم اجتماعی ناانصافی کے خلاف متحد ہوں اور ان خاندانوں کی حمایت کریں جن کے پیارے طویل عرصے سے لاپتہ ہیں۔ بولان کریم اور دیگر جبری گمشدگان کے اہلِ خانہ کو ہماری آواز اور حمایت کی اشد ضرورت ہے۔