تمپ اور خاران میں فوجی آپریشن، گھر مسمار۔

تمپ اور خاران میں فوجی آپریشن، گھر مسمار۔

آج صبح پاکستانی فورسز نے تمپ کوہاڈ اور گردنواح کے علاقے میں آپریشن کا آغاز کیا۔

ذرائع کا کہنا ہے کہ فورسز نے خواتین سمیت دیگر افراد کو تشدد کا نشانہ بنایا اور گھروں میں موجود زیورات و دیگر قیمتی اشیاء پر قبضہ کرلیا۔

فورسز کی جانب سے گھروں کو مسمار اور نذر آتش کیا جارہا ہے۔ گرفتاریوں کے حوالے سے تاحال کوئی تفصیلات موصول نہیں ہوئی ہے۔

دریں اثناء خاران کے علاقے لجے اور اس سے متصل علاقوں میں بھی پاکستانی فوج آپریشن کررہی ہے۔

آج علی الصبح فورسز کی متعدد گاڑیوں پر مشتمل قافلہ علاقے پہنچا، علاقے کو گھیرے میں لینے کے بعد آپریشن کا آغاز کیا گیا۔

حکام نے تاحال اس حوالے سے کوئی تفصیلات فراہم نہیں کی ہے۔