حانی گل بلوچ اور سمیر بلوچ کو خراج عقیدت پیش کرتے ہیں بلوچ نیشنل لیگ

بلوچ نیشنل لیگ کے اہم کارکن حانی گل بلوچ اور ان کے شوہر سمیر بلوچ  اغوا کرنے کے بعد  تشدد کر کے انہیں شہید کیا گیا۔ حانی گل بلوچ اور سمیر بلوچ کو خراج عقیدت پیش کرتے ہیں

بلوچ نیشنل لیگ

بلوچ نیشنل لیگ کے پولٹ بیورو نے اپنے جاری کردہ بیان میں کہا کہ بلوچ قومی جہد کار اور بلوچ نیشنل لیگ کے اہم رکن حانی بلوچ کچھ عرصہ قبل علاج معالجہ کے سلسلے میں مغربی بلوچستان کے شہر  ایرانشہر میں اپنے رشتہ داروں کے ساتھ قیام  کر رہی تھی۔ اور تین ماہ سے حاملہ تھی ان کے  پیٹ میں تین مہینے کا بچہ تھا۔ 8 اگست کو مغرب کے نماز کے بعد چند نامعلوم افراد اسلحہ سمیت ان کے گھر میں داخل ہوئے حانی گل بلوچ اور اس کے شوہر سمیر بلوچ کو اسلحہ کے زور پر اغوا کیا اور ہوائی فائرنگ کرتے ہوئے شہر سے نکلنے میں کامیاب ہو گئے۔ تنظیم کی تحقیقات جاری تھی کہ  21 اگست کو مغربی بلوچستان کے شہر شستون سے دو لاشیں برآمد ہوئی۔ جب تنظیم کو علم ہوا تو شستون اسپتال کے اہلکاروں سے رابطہ کرنے کے بعد لاشوں کی پہچان بلوچ نیشنل لیگ کے اہم کارکن حانی گل بلوچ اور ان شوہر سمیر بلوچ کے نام سے کی گئی تاہم تشدد زدہ لاش انتہائی مسخ کیئے گئے تھے تاکہ لاشوں کی پہچان نہ ہو سکے۔ حانی گل بلوچ کی قومی جہد پورے دنیا کے سامنے واضح ہے انہوں نے بلوچ مسنگ پرسنز کی بازیابی کے لیئے لانگ مارچ اور طویل جہدوجہد کی۔ اس سلسلے میں ان کو کئی بار پابند سلاسل کیا گیا لیکن وہ مستقل مزاجی سےبلوچ قومی جہد اور انسانی حقوق کی موثر آواز بنے رہے۔بلوچ نیشنل لیگ ایک قومی سیاسی تنظیم ہے اس طرح کے ہتھکنڈوں سے کمزور نہیں بلکہ مزید مظبوط ہو گی

بلوچ نیشنل لیگ بلوچ قوم پر واضح کرنا چاہتی ہے کہ کچھ لوگ اور کچھ سرکاری اخبار حانی گل اور سمیر بلوچ کے بہمانہ قتل کو رؤف بلوچ کے قتل سے منسلک کرکے مذہبی رنگ دینا چاہتے ہیں اور بلوچ قوم میں مذہبی تقسیم لانا چاہتے ہے۔ ہم واضح طور پر کہتے ہیں کہ اس واقعہ سے مذہبی گروہ کا کوئی تعلق نہیں ہے بلکہ یہ وہی گینگ ہے جو گلزار امام شمبے کے گرفتاری میں ملوث ہے۔اپنے ناکارہ کارکردگی پر مایوسی کا شکار ہو کر سیاسی طور پر حواس باختگی کا شکار ہو چکا ہے اس لیے اس طرح کے غیر انسانی اور غیر اخلاقی ہتھکنڈوں پر اتر آئی ہے ۔بلوچ نیشنل لیگ  کےتنظیم کے دوستوں کی مذید تحقیقات جاری ہیں تاکہ اصل مجرموں کو قوم کے سامنے لایا جائے

یاد رہے کہ مغربی بلوچستان  میں مقامی ایرانی سرکار کے ساتھ مل کر ایک تنظیم ایرانی ڈیتھ سکواڈ کا کردار ادا کر رہی ہے اور منشیات کے کاروبار میں بھی ملوث ہے۔جو کہ قومی تحریک آزادیِ کو مسخ کرنے کے مترادف ہے ۔اس بات کی گواہی مغربی بلوچستان کے بلوچوں اور دوسرے آزادی پسند تنظیموں کے پاس موجود ہے۔
لہذا تمام آزادی پسند ،انسان دوست تنظیموں اور مغربی بلوچستان کے بلوچ عوام سے اپیل ہے کہ اس بھیانک ظلم کے خلاف آواز بلند کریں اور اصل مجرموں کی نشاندھی اور قاتلوں کو  اپنے انجام تک پہنچانے میں اپنا قومی فریضہ ادا کریں۔