قلات میں پاکستانی فوج پر حملہ، ہلاکتوں کی اطلاعات سامنے آئیں

آج صبح پاکستان فوج کی جانب سے قلات کے علاقے کوہک اور گردنواح میں متعدد مارٹر گولے فائر کیے گئے، تاہم گولوں کے لگنے سے کسی قسم کے نقصان یا جانی نقصان کی اطلاعات ابھی تک موصول نہیں ہوئی ہیں۔ فوجی کارروائی کے دوران علاقے میں فائرنگ کی آوازیں سنائی دیں، مگر کسی بھی قسم کا نقصان یا ہلاکت کی تصدیق نہیں ہوئی ہے۔ علاقے میں حالات کے حوالے سے صورتحال اب بھی حساس اور غیر یقینی ہے۔

دوسری جانب، پاکستانی فورسز کے پیدل اہلکاروں نے علاقے میں پیش قدمی کرنے کی کوشش کی، مگر انہیں گھات لگائے مسلح افراد نے حملہ کیا۔ اس حملے میں متعدد فورسز کے اہلکاروں کے ہلاک اور زخمی ہونے کی اطلاعات ہیں، تاہم حکام نے اس حوالے سے تفصیلات جاری نہیں کی ہیں۔ حملے کے بعد علاقے میں کشیدگی مزید بڑھ گئی ہے اور فضا میں خوف و ہراس کی کیفیت برقرار ہے۔

علاقائی ذرائع کے مطابق، حملے کے بعد پاکستانی فوج کے ایک قافلے کو علاقے سے گزرتے ہوئے بھی دیکھا گیا ہے۔ اس دوران فوجی آپریشن جاری ہے، اور فوجی اور سیکیورٹی فورسز مختلف علاقوں میں تلاشی اور کارروائی میں مصروف ہیں۔ گذشتہ پانچ روز سے قلات اور مستونگ میں فوجی آپریشن جاری ہے، جس میں سیکورٹی فورسز کو شدید مزاحمت اور حملوں کا سامنا ہے۔

اس دوران، بلوچستان میں بلوچ لبریشن آرمی نے ذمہ داری قبول کرتے ہوئے قلات اور مستونگ میں حملوں سمیت صوبہ بھر میں 23 پاکستانی اہلکاروں کی ہلاکت کا اعتراف کیا ہے۔ ان حملوں میں آئی ای ڈی، مسلح حملے اور دیگر تخریبی کارروائیاں شامل ہیں۔ حکام کے مطابق، ان حملوں کا مقصد سیکورٹی فورسز کو نقصان پہنچانا اور علاقائی آزادی کے مطالبات کو تقویت دینا ہے۔