قلات ڈیرہ مراد جمالی پاکستانی فورسز پر حملے، متعدد اہلکار ہلاک

قلات ڈیرہ مراد جمالی پاکستانی فورسز پر حملے، متعدد اہلکار ہلاک

قلات: شیخڑی کے قریب مورگند کے مقام پر پاکستانی فورسز کی دو گاڑیاں راشن لے کر اپنی پوسٹ کی جانب جا رہی تھیں کہ گھات لگائے مسلح افراد نے ان پر حملہ کر دیا۔

حملے کے دوران فورسز کو بھاری جانی نقصان پہنچنے کی اطلاعات ہیں، جبکہ حملہ آور اہلکاروں کا اسلحہ بھی اپنے ساتھ لے گئے۔

ذرائع نے بتایا کہ گذشتہ روز بھی مورگند کے علاقے میں فورسز کے ایک پوسٹ اور راشن لے جانے والی گاڑیوں کو نشانہ بنایا گیا تھا، جس میں نقصان ہوا تھا۔ اسی طرح قلات کے علاقے مکئی میں بھی فورسز کے پیدل اہلکاروں پر حملہ ہوا، جو راشن سپلائی کے مشن پر تھے۔

دوسری جانب ڈیرہ مراد جمالی میں ہائی وے پولیس آفس کے گیٹ کے سامنے نامعلوم افراد نے دستی بم پھینک کر فرار ہوگئے۔

اس واقعے میں کوئی جانی نقصان کی اطلاع نہیں ہے۔