لبنان بیروت میں منعقد مڈل ایسٹ یوتھ کانفرنس میں ڈاکٹر ماہ رنگ بلوچ کی بذریعہ ویڈ لنک شرکت

لبنان بیروت میں منعقد مڈل ایسٹ یوتھ کانفرنس میں ڈاکٹر ماہ رنگ بلوچ نے بذریعہ ویڈ لنک شرکت کرتے ہوئے کانفرنس کے منتظمین کا شکریہ ادا کرتے ہوئے کہا کہ میرا نام ڈاکٹر ماہ رنگ بلوچ ہے۔ میں بلوچستان سے تعلق رکھنے والی انسانی حقوق اور سیاسی کارکن ہوں ا ور بلوچ یکجہتی کمیٹی بی وائی سی انسانی حقوق اور سیاسی تنظیم کا حصہ ہوںڈاکٹر ماہرنگ بلوچ نے کہا کہ ہم بلوچ نسل کشی کے خلاف پرامن جدوجہد کر رہے ہیں نومبر دوہزار تئیس کو بی وائی سی ے بلوچ نسل کشی کے خلاف احتجاج کرتے ہوئے بلوچستان اور خطے کی تاریخ کا سب سے بڑا مارچ کیا۔ اب ہم جولائی میں بلوچ نسل کشی کے خلاف ایک اور قومی اجتماع کی تیاری کر رہے ہیں۔

خواتین و حضرات، آج میں آپ کو ایک ایسے خطے سے ملانا چاہتی ہوں جو شدید نوآبادیاتی تشدد اور جبر کے باوجود شاذ و نادر سے عالمی سرخیوں میں جگہ بناتا ہے، جو ہمارا وطن بلوچستان ہے۔ ہم بلوچ عوام 21 ویں صدی میں بھی ہولناک نسل کشی کا سامنا کر رہے ہیں اور ہمیں انتہائی افسوس ہے کہ ہماری حالت زار پر دنیا خاموش ہے۔ دنیا بھر میں لوگ مظلوموں کے لیے آواز اٹھا رہے ہیں لیکن ہمارے لیے سب سے بڑا صدمہ یہ ہے کہ انسانی حقوق کی کسی تنظیم نے ہمارے لیے آواز نہیں اٹھائی۔

انہوں نے کہا کہ آج جب بلوچ عوام کے مصائب پر بات کی جاتی ہے تو جبری گمشدگیوں کا معاملہ سامنے آتا ہے۔گذشتہ 20 سالوں میں پاکستانی فوج اور خفیہ ایجنسیوں نے ہزاروں بلوچوں کو جبری طور پر لاپتہ کیا ہے۔ ان گمشدگیوں کا بنیادی شکار نوجوان ہیں۔ کیوں کے وہ بہادری کے ساتھ اپنے حقوق کے لیے آواز اٹھاتے ہیں اور جبر کے سامنے خاموش رہنے سے انکاری ہیں۔ نتیجتا پاکستانی فوج اور خفیہ ایجنسیاں روزانہ بلوچ نوجوانوں کو نشانہ بنا کر لاپتہ کرتے ہیں۔ماہ رنگ بلوچ نے کہا کہ یہ دہشت نوجوانوں سے بڑھ کر اساتذہ، صحافیوں، شاعروں، دانشوروں، فنکاروں، خواتین، بچوں، بوڑھوں تک پھیلی ہوئی ہے۔ بلوچستان میں جبری گمشدگیوں کا درد ناقابل تصور اور الفاظ سے باہر ہے۔

انہوں نے کہا کہ جبری گمشدگیوں کے درد کو صحیح معنوں میں سمجھنے کے لیے بلوچ لاپتہ افراد کے خاندانوں کے ملنے چاہیے جن کے بچوں کو جبری طور پر لاپتہ کیا گیا ہے۔ تب آپ سمجھیں گے کہ جبری گمشدگیوں کا شکار ہونے سے بڑا درد دنیا میں کوئی نہیں ہے۔

انہوں نے کہا کہ میں بھی ریاست کے اس ظلم کا شکار رہی ہوں جب میرے والد کو پہلی بار جبری گمشدگی کا نشانہ بنایا گیا تو میری عمر صرف 13 سال تھی میں نے اپنے بہن بھائیوں کے ساتھ بحفاظت رہائی کے لیے احتجاج کیا لیکن اس کے بجائے مجھے اپنے والد کی مسخ شدہ لاش ملی اسے قتل کردیا گیا، اس کی مسخ شدہ اور تشدد زدہ لاش ایک دور دراز جنگل میں پھینک دی گئی اس وقت ایک متاثرہ خاندان کے طور پر ہم نے جو دکھ اور تکلیف محسوس کی وہ ناقابل بیان ہے، اور ہم آج تک اس صدمے سے نہیں نکل سکے۔

انہوں نے کہا کہ جس لمحے میرے والد کی لاش میرے سامنے رکھی گئی وہ ہمیشہ کے لیے میری یادوں میں نقش ہے۔ انہوں نے کہا کہ معزز ساتھی نوجوانوں، آج مجھے یقین ہے کہ دنیا بھر کی تمام مظلوم قومیں بشمول بلوچ اور کرد جنہوں نے نسل کشی کا سامنا کیا، ایک درد، تکلیف جھیل رہے ہیں ہم سب کو صرف اس لیے نسل کشی کا نشانہ بنایا جاتا ہے کہ ہماری اپنی سرزمین ہے جس پر ہم رہتے ہیں ہم آزاد اور خودمختار انسانوں کے طور پر جینے کی خواہش رکھتے ہیں، ہم پر مسلط جنگوں کی مخالفت کرتے ہوئے، اپنے وطن میں امن و سکون کے خواہاں ہیں۔

انہوں نے کہا کہ میں بلوچستان میں رہنے کے باوجود کردوں اور دیگر مظلوم اقوام کے دکھ درد کو اپنا سمجھتی ہوں۔ ہم جو مشکلات برداشت کرتے ہیں وہ مشترک ہیں، اور ہماری جدوجہد ایک دوسرے سے جڑی ہوئی ہیں، بالکل اسی طرح جیسے ہمارا درد اور تکلیف اجتماعی ہے۔

انہوں نے کہا کہ آئیں ہم بلوچستان کے نوجوانوں اور جنگ کی تباہ کاریوں سے متاثر ہونے والے تمام لوگوں کے ساتھ یکجہتی کے لیے کھڑے ہوں۔ آئیں ہم ان سے نہ صرف اپنی ہمدردی کا اظہار کریں بلکہ انصاف اور امن کے ان کے عظیم حصول میں اپنی غیر متزلزل حمایت بھی کریں۔ میں آپ میں سے ہر ایک کو آپ کی انتھک جدوجہد، غیر متزلزل عزم اور آپ کی دی گئی قربانی کے لیے سلام پیش کرتی ہوں۔