منگچر بازار میں نامعلوم مسلح افراد کی فائرنگ، حالات کشیدہ

منگچر بازار میں نامعلوم مسلح افراد کی فائرنگ، حالات کشیدہ

منگچر بازار میں نامعلوم مسلح افراد کی جانب سے شدید فائرنگ کا واقعہ پیش آیا، جس کے باعث بازار مکمل طور پر بند ہو گیا۔ اچانک ہونے والی فائرنگ سے علاقے میں خوف و ہراس پھیل گیا اور شہری بڑی تعداد میں دکانوں کے اندر محصور ہو کر رہ گئے۔

عینی شاہدین کے مطابق فائرنگ کئی منٹ تک جاری رہی، جس کے نتیجے میں صورتحال انتہائی کشیدہ ہو گئی۔ تاہم تاحال اس واقعے کی سرکاری سطح پر کوئی تصدیق نہیں کی گئی۔

غیر مصدقہ اطلاعات کے مطابق واقعے کے بعد سیکیورٹی اداروں کو طلب کر لیا گیا ہے اور علاقے کو گھیرے میں لے لیا گیا ہے۔ شہریوں کو ہدایت کی گئی ہے کہ وہ بلا ضرورت گھروں سے باہر نہ نکلیں۔