وڑھ، 9 افراد اغواء، گورگین مینگل نے علاقے میں حکومتی تعاون سے ایک "امن فورس” قائم کی ہے۔ لواحقین کا الزام

وڈھ، سارونہ اور شاہ نورانی سے متعدد نوجوانوں کی اغواء

اطلاعات کے مطابق ضلع خضدار کے علاقوں وڈھ، سارونہ اور شاہ نورانی سے متعدد نوجوانوں کو مبینہ طور پر ایک مقامی "امن فورس” نے حراست میں لینے کے بعد اغواء کر دیا ہے۔

موصولہ اطلاعات کے مطابق 9 اغواہ کیے گئے افراد کے میں عبدالوہاب ولد محمد رحیم، میراجی,  سکندر ولد محمد اسماعیل، نصیر احمد ولد عبدالغنی، قوم چھٹہ,  ظاہر احمد ولد محمد ہاشم, گل محمد٫ جاوید ولد گل محمد، محمد دینارزئی مینگل، سمیع اللہ ولد غلام نبی, نظام ولد عبدالحکیم شامل ہیں

لاپتہ افراد کے لواحقین کے مطابق سردار اختر مینگل کی سرپرستی میں ان کے بیٹے **گورگین مینگل** نے علاقے میں حکومتی تعاون سے ایک "امن فورس” قائم کی ہے۔ لواحقین کا الزام ہے کہ یہ فورس نوجوانوں کو نشانہ بناتی ہے۔

لواحقین کا کہنا ہے کہ ان کے بچے کسی سیاسی جماعت یا تنظیم سے وابستہ نہیں ہیں، تاہم انہیں بلاجواز حراست میں لے کر جبری گمشدگی کا نشانہ بنایا گیا ہے۔ انہوں نے مطالبہ کیا کہ تمام لاپتہ افراد کی حراست، اگر انہیں گرفتار کیا گیا ہے، تو فوری طور پر ظاہر کی جائے، ان کے اہلِ خانہ کو ان کی موجودہ حالت اور مقام سے آگاہ کیا جائے۔

لواحقین نے مزید کہا کہ انہیں اس بات پر شدید افسوس ہے کہ سردار اختر مینگل ایک جانب جبری گمشدگیوں کے خلاف عوامی مؤقف اختیار کرتے ہیں اور اس مسئلے کو اپنی سیاسی جدوجہد کا اہم عنوان قرار دیتے ہیں، جبکہ دوسری جانب، ان کے بقول، انہی کے پیاروں کو جبری گمشدگی کا سامنا کرنا پڑ رہا ہے۔ انہوں نے اس معاملے کی شفاف، غیر جانبدار اور مؤثر تحقیقات کا مطالبہ کرتے ہوئے ذمہ دار عناصر کے خلاف قانونی کارروائی کا مطالبہ کیا۔