پنجگور میں مسلح حملے، متعدد علاقوں پر گھنٹوں کنٹرول، فورسز اور ڈیتھ اسکواڈ کو نشانہ بنایا گیا

پنجگور میں مسلح حملے، متعدد علاقوں پر گھنٹوں کنٹرول، فورسز اور ڈیتھ اسکواڈ کو نشانہ بنایا گیا

پنجگور میں گزشتہ شب مختلف علاقوں میں مسلح افراد کی جانب سے حملوں کے دوران خدابادان، گرمکان، چتکان، تسپ، فٹ بال چوک اور پسکول سمیت کئی مقامات پر گھنٹوں تک کنٹرول حاصل کیے جانے کی اطلاعات ہیں۔

علاقائی ذرائع کے مطابق ان حملوں میں حکومتی حمایت یافتہ مسلح گروہوں ڈیتھ اسکواڈ کے ٹھکانوں کو نشانہ بنایا گیا جبکہ بعض مقامات پر فورسز کے قافلوں کو بھی حملوں کا سامنا کرنا پڑا۔

ذرائع کا کہنا ہے کہ حملے کئی گھنٹوں تک جاری رہے، تاہم سرکاری سطح پر تاحال کسی قسم کی تصدیق یا تفصیلات جاری نہیں کی گئی ہیں۔

واقعے کے بعد علاقے میں سیکیورٹی سخت کر دی گئی ہے، انٹرنیٹ سروس معطل ہے جبکہ مختلف علاقوں میں سرچ آپریشنز کی اطلاعات ہیں، جس کے باعث شہری گھروں تک محدود ہو گئے ہیں۔