ڈی جی آئی ایس پی آر کی متنازہ پریس کانفرنس پر متحدہ قومی موومنٹ کے قاہد الطاف حسین نے سوالات کی بوچھاڑ کردی

ڈی جی آئی ایس پی آر کی متنازہ پریس کانفرنس پر متحدہ قومی موومنٹ کے قاہد الطاف حسین نے سوالات کی بوچھاڑ کردی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آج بروز منگل مورخہ 7، مئی 2024ء کو ڈی جی آئی ایس پی آر میجرجنرل احمد شریف چوہدری نے ایک پریس کانفرنس کا انعقاد کیا اور اُس میں بغیر کسی شرم، لحاظ اور حیا کے  ‎@OfficialDGISPR نے یہ سفید جھوٹ بولاکہ ” فوج سیاست میں حصہ نہیں لیتی بلکہ آئین اورقانون کے مطابق کام کرتی ہے” ۔ یہ ایسا سفید جھوٹ ہے جس کے بارے میں آج پاکستان کا بچہ بچہ بخوبی واقف ہے کہ فوج 1947ء سے سیاست میں حصہ لیتی رہی ہےیامداخلت کرتی رہی ہے اور آج ”فوج ” سیاست میں حصہ لینے یامداخلت کو اپنا آئینی اورقانونی حق سمجھنے لگی ہے ۔
میں ڈی جی ISPR کے سامنے چند سوالات رکھنا چاہوں گا۔
1۔ بانی پاکستان قائد اعظم محمدعلی جناح کو علاج کی غرض سے ملک کے تمام شہروں کے اسپتالوں کو چھوڑ کر صوبہ بلوچستان کے شہر زیارت کس نے بھیجا تھا؟

2۔ 16، اکتوبر1951ء کو ملک کے پہلے وزیراعظم خان لیاقت علی خان کو راولپنڈی کے کمپنی باغ (لیاقت باغ) میں عوامی جلسے سے خطاب کے دوران کس ”قوت” نے شہید کروایا؟

3۔ 17، اکتوبر1951ء سے وزیراعظم خواجہ ناظم الدین سے لیکر 7، اکتوبر1958ء تک وزیراعظم کے عہدے پر قائم رہنے والے فیروز خان نون تک کے دورانیے میں 7 وزیراعظم یکے بعد دوسرے کس ”قوت” نے پے درپے ان کے عہدوں سے برطرف کرایا یا ہٹادیا؟

4۔ 25، اکتوبر 1958ء سے 28، اکتوبر 1969ء تک کس مقدس ادارے کے سربراہ نے ملک میں مارشل لاء نافذ کیا اورپھر وہ صدربنا؟

5۔ 25 مارچ 1969ء سے 1971، تک کس ادارے کے کمانڈرانچیف ملک کی صدارت کی کرسی پر فائز رہے؟

6۔ 16دسمبر 1971ء کوپاکستان ،کسی سویلین حکمراں کے دورمیں توڑاگیا یا فوج کے سربراہ کے دور میں توڑا گیا؟

7۔ 5جولائی 1977ء سے لے کر 17اگست 1988ء تک کس ادارے کے سربراہ نے مارشل لاء لگا کرحکومت کی؟

8۔ 12  اکتوبر 1999ء سے لے کر2008ء تک کس نے ملک میں فوجی ایمرجنسی (مارشل لاء ) لگایا؟

9۔ 8 فروری 2024ء کے عام انتخابات میں فارم 47 میں بدترین دھاندلی کرکے انتخابی نتائج کس ادارے نے تبدیل کرائے؟

10۔ 8  فروری 2024ء کے الیکشن میں بلوچستان اسمبلی کی سیٹیں اورپوری کی پوری اسمبلی کوکس ادارے کے افسران نے فروخت کیا؟

ڈی جی آئی ایس پی آرصاحب!  ان حقائق کے باوجود بھی آپ مصر ہیں کہ فوج، آئین اورقانون کے خلاف کام نہیں کرتی ۔ میں قارئینِ کرام سے مختصر جواب کاطالب ہوں کہ وہ بتائیں کہ ملک میں تمام خرابیوں کے اصل اور اصل ذمہ دار کون ہیں؟