ڈیرہ بگٹی میں فوجی بربریت جاری

ڈیرہ بگٹی میں پچھلے تیرہ دنوں سے بڑے پیمانے پر اعلانیہ فوجی آپریشن جاری ہے، جس میں پاکستانی آرمی کے گن شپ ہیلی کاپٹروں سمیت جنگی کمانڈوز حصہ لے رہے ہیں

اسی دوران ڈیرہ بگٹی کے مختلف علاقوں میں فوجی آپریشن سے اب تک متعدد افراد کو غیر قانونی حراست میں لیکر جبری لاپتہ کر دیا گیا ہے، مقامی زرائع اور سوشل میڈیا سے موصولہ اطلاعات کے مطابق پاکستانی فورسز نے کثیر تعداد میں علاقے کا محاصرہ کیا ہوا ہے اور فوجی بربریت شروع کی ہے، اب تک کی اطلاعات کے مطابق اس خونی آپریشن میں پانچ سے زائدافراد شہید ہو چکے ہیں

فضا میں گن شپ ہیلی کاپٹریں گھوم رہے ہیں، دوسری جانب زمینی فوجیں آبادیوں میں آپریشن میں مصروف عمل ہیں، ایس ایس جی کمانڈروز کو پہاڑی آبادی والے علاقے میں چھوڑا جا رہا ہے، چیک پوسٹوں پہ ناکہ بندی سخت چیکنگ کی جا رہی ہے، سوئی اور اسکے گرد و نواح کے علاقے مکمل فوجی محاصرے میں ہیں،

ضلع ڈیرہ بگٹی کے علاقے آسریلی میں مقیم بگٹی قبیلے کی ذیلی شاخ باخلانی کے بیس خاندانوں کو پاکستانی فوج نے دھمکا کر ان کے گھروں کو چھوڑنے پر مجبور کر دیا

ڈیرہ بگٹی بیگناہ لوگوں کو غیر قانونی حراست میں لیا جا رہا ہے. جن میں کمسن بچے اور بزرگ شہری بھی شامل ہیں، جن کو کوئی بھی قصور نہیں ہے، ان بچوں اور بزرگوں کا نا کسی مسلح تنظیم سے کوئی تعلق ہے نا کوئی دوسرا جرم کیا ہے

بلوچستان میں فوجی بربریت ظلم و ناروائیاں تمام حدود پار کرچکی ہیں۔

ڈیرہ بگٹی سمیت پورے بلوچستان میں فوج کشی اور بے قصور لوگوں کی گرفتاریاںا قابل مذمت اور شرم ناک فعل ہے ۔