کراچی میں تصادم، نواب بگٹی کے بھتیجے فہد بگٹی سمیت 5 افراد ہلاک

کراچی ڈیفنس کے علاقے خیابان نشاط میں دیرینہ تنازع کے باعث دو گروہوں کے درمیان فائرنگ تصادم میں نواب اکبر خان بگٹی کے بھتیجے اور سابق رکن بلوچستان اسمبلی میر احمد نواز بگٹی کے بیٹے فہد بگٹی سمیت 5 افراد ہلاک ہوگئے۔

ڈی آئی جی ساؤتھ اسد رضا کے مطابق گروپوں میں تصادم، فائرنگ سے فہد بگٹی، نصیب اللہ سمیت 5 افراد مارے گئے ہیں۔ جبکہ 5 سے 6 افراد زخمی ہوئے ہیں لاشوں اور زخمیوں کو جناح اسپتال لے جایا گیا، اطلاع کے مطابق تمام زخمیوں کی حالت تشویشناک ہے۔

وزیر داخلہ سندھ نے اے آئی جی کراچی سے واقعے سے متعلق رپورٹ طلب کرلی۔
ہلاک ہونے والے 5 افراد کی شناخت 50 سالہ فہد بگٹی ولد احمد نواز، نصیب اللہ ولد سور بگٹی، شے میر محسم بگٹی، میر عیسیٰ بگٹی، علی شامل ہیں، شدید زخموں ہونے والوں میر علی، حیدر بگٹی، قائم علی شامل ہیں۔