کسٹمز اہلکاروں کی گھنٹوں چیکنگ کے دوران خاتون کے بچے کا سڑک پر جنم، سردی کے باعث بچہ جانبحق، عوام میں شدید غصہ

بلوچستان میں جگہ جگہ ایفسی کی چیک پوسٹیں قائم ہیں کئی کئی گھنٹے مسافر گاڑیوں کو چیک پوسٹوں پر روکا جاتا ہے، چیک پوسٹوں پر گھنٹوں چیکنگ کے بہانے کھڑا کرکے اذیت دی جاتی ہے۔

جس سے مسافر پریشان ہوتے ہیں چیک پوسٹوں پر روکنے کے باعث گھنٹوں کا سفر دنوں میں طے ہوتا ہے ۔
اب تو سیکورٹی کے نام پر لوگوں کے گھروں، سکولوں، ہسپتالوں اور دیگر مقامات پربھی غیر ضروری چیک پوسٹیں قائم کی گئی ہیں جس سے لوگوں کی عزت نفس مجروح ہورہی ہے۔

چیک پوسٹوں پر چیکنگ کے نام پر خواتین کی تذلیل کی جاتی ہے
گزشتہ روز رکھنی کسٹمز چیک پوسٹ پر کسٹمز اہلکاروں نے ایک بروبکس گاڑی کو چیکنگ کے لیے روکا جس میں ایک حاملہ خاتون ایمرجنسی کی حالت میں موجود تھی اور اسے ہسپتال لے جایا جا رہا تھا۔ خاتون کے ورثا نے کسٹمز اہلکاروں کو بتایا کہ گاڑی میں حاملہ خاتون موجود ہے جسے فورا ہسپتال پہنچانا ضروری ہے، لیکن اہلکاروں نے ان کی بات نہ سنی اور گاڑی میں موجود تمام افراد کو گاڑی سے اتار دیا اور گاڑی کو قبضے میں لے لیا۔

اس کے بعد فوری طور پر ہسپتال نہ پہنچنے اور طبی امداد نہ ملنے کی وجہ سے خاتون نے سڑک پر ہی بچے کو جنم دے دیا۔
بدقسمتی سے، شدید سردی کے باعث بچہ جانبر نہ ہو سکا اور دم توڑ گیا۔اس افسوسناک واقعے کے بعد مقامی افراد میں شدید غم و غصہ پایا جا رہا ہے۔