بلوچستان کی شاہراہیں موت کی راہیں 5 سال میں 77 ہزار حادثات، 1700 سے زائد اموات

بلوچستان کی شاہراہیں موت کی راہیں 5 سال میں 77 ہزار حادثات، 1700 سے زائد اموات

میڈیکل ایمرجنسی ریسپانس سینٹر 1122 کی رپورٹ کے مطابق اکتوبر 2019 سے ستمبر 2025 کے دوران بلوچستان کی مختلف قومی شاہراہوں پر 77 ہزار 826 ٹریفک حادثات رپورٹ ہوئے۔ ان حادثات میں ایک ہزار 743 افراد جاں بحق اور ایک لاکھ تین ہزار 902 افراد زخمی ہوئے۔

رپورٹ میں کہا گیا ہے کہ بلوچستان میں حادثات کی شرح پورے ملک میں سب سے زیادہ ہے، اور ہر گزرتا سال صورتحال کو مزید سنگین بنا رہا ہے۔

اعداد و شمار کے مطابق سب سے زیادہ حادثات قومی شاہراہ این-25 کراچی تا چمن پر پیش آئے، جہاں 35 ہزار 113 حادثات رپورٹ ہوئے، جن میں 900 افراد زندگی سے ہاتھ دھو بیٹھے۔ یہ شاہراہ بلوچستان کی مرکزی تجارتی شریان ہے، لیکن خستہ حال یک طرفہ سڑک، تیز رفتاری اور ہیوی ٹریفک نے اسے ڈیڈلی ہائی وے بنا دیا ہے۔

اسی طرح این-50 شاہراہ کوئٹہ تا ڈیرہ اسماعیل خان پر 24 ہزار 694 حادثات۔ پیش آئے، جن میں 421 افراد جاں بحق ہوئے۔یہ راستہ تنگ، موڑ دار اور غیر روشن ہے، جس پر رات کے وقت ڈرائیونگ انتہائی خطرناک بن جاتی ہے۔

ایمرجنسی ریسپانس سینٹر کے مطابق این-85 سوراب تا پنجگور، این-70 لورالائی تا ڈی جی خان پر بھی حادثات معمول بن چکے ہیں۔