مستونگ: فوجی پوسٹوں تک رسد پہنچانے کی کوشش، دشت میں جھڑپیں

مستونگ: فوجی پوسٹوں تک رسد پہنچانے کی کوشش، دشت میں جھڑپیں

مستونگ کے علاقے دشت، کرّی ڈور میں پاکستانی فورسز اور مسلح افراد کے درمیان جھڑپیں جاری ہیں۔ ذرائع کے مطابق فورسز نے اپنی پوسٹوں تک راشن اور دیگر رسد پہنچانے کے لیے پیش قدمی کی، تاہم مسلح حملوں کے باعث انہیں شدید مزاحمت کا سامنا کرنا پڑا۔

ذرائع کا کہنا ہے کہ دو روز قبل بھی اسی علاقے میں فورسز پوسٹوں تک رسد پہنچانے میں ناکام رہی تھیں اور انہیں پسپائی اختیار کرنا پڑی تھی۔ اطلاعات کے مطابق حالیہ جھڑپوں میں بھی فورسز کو جانی نقصان پہنچا ہے، تاہم حکام کی جانب سے تاحال اس حوالے سے کوئی باضابطہ بیان جاری نہیں کیا گیا۔