ڈاکٹر ماہ رنگ بلوچ اور ان کے ساتھیوں کی رہائی کا مطالبہ۔ دی بلوچ سرکل کے سوشل میڈیا براڈ میں شامل شرکا کا مطالبہ

ڈاکٹر ماہ رنگ بلوچ اور ان کے ساتھیوں کی رہائی کا مطالبہ۔ دی بلوچ سرکل کے سوشل میڈیا براڈ میں شامل شرکا کا مطالبہ

بلوچستان میں جاری انسانی حقوق کی خلاف ورزیوں اور ریاستی بربریت کے خلاف سرگرم تنظیم، دی بلوچ سرکل کے سوشل میڈیا براڈ میں شامل بلوچ، پشتون، مہاجر، کشمیری انسانی حقوق کے کارکنوں نے ڈاکٹر ماہ رنگ بلوچ اور ان کے ساتھیوں کی فوری رہائی کا پرزور مطالبہ کیا۔ شرکا نے اپنے خیالات کا اظہار کرتے ہوئے کہا کہ ڈاکٹر ماہ رنگ بلوچ، ایک معروف انسانی حقوق کی کارکن ہیں جو بلوچستان میں جبری گمشدگیوں اور دیگر مظالم کے خلاف آواز اٹھا رہی ہیں۔ ان کی گرفتاری اور ان کے ساتھیوں پر ہونے والی کارروائیاں بنیادی انسانی حقوق کی سنگین خلاف ورزی ہیں۔

دی بلوچ سرکل اپنے اخباری بیان میں عالمی برادری کی توجہ بلوچستان کی سنگین صورتحال کی جانب مبذول کرانا چاہتی ہے۔ بلوچستان میں طویل عرصے سے ریاستی بربریت، جبری گمشدگیاں، ماورائے عدالت قتل اور پرامن سیاسی کارکنوں پر تشدد معمول بن چکا ہے۔ ان واقعات نے خطے میں خوف و ہراس کی فضا پیدا کر دی ہے اور بنیادی جمہوری آزادیوں کو سلب کر لیا ہے۔

دی بلوچ سرکل عالمی برادری اور انسانی حقوق کی تنظیموں سے اپیل کرتی ہے کہ وہ بلوچستان میں جاری ریاستی بربریت کو روکنے کے لیے فوری اور مؤثر اقدامات کریں۔ یہ وقت ہے کہ عالمی طاقتیں اس ظلم و ستم کا نوٹس لیں اور پاکستان پر دباؤ ڈالیں کہ وہ انسانی حقوق کا احترام کرے، جبری گمشدگیوں کا سلسلہ بند کرے اور ڈاکٹر ماہ رنگ بلوچ سمیت تمام سیاسی قیدیوں کو رہا کرے۔
ہم مطالبہ کرتے ہیں کہ بلوچستان میں انسانی حقوق کی صورتحال کا آزادانہ اور شفاف تحقیقات کی جائیں اور ذمہ داروں کو کٹہرے میں لایا جائے۔ بلوچستان کے عوام کو انصاف، تحفظ اور پرامن زندگی کا حق حاصل ہے۔

دی بلوچ سرکل