بسیمہ میں پاکستانی فوج اور ‘ڈیتھ اسکواڈز’ پر حملے، جھڑپوں میں جانی نقصانات کی اطلاعات

بسیمہ میں پاکستانی فوج اور ‘ڈیتھ اسکواڈز’ پر حملے، جھڑپوں میں جانی نقصانات کی اطلاعات

بسیمہ میں پاکستانی فوج اور حمایت یافتہ مسلح گروہوں کو دو مختلف مقامات پر حملوں میں نشانہ بنایا گیا، جہاں چار گھنٹوں تک شدید جھڑپیں جاری رہنے کی اطلاعات ہیں۔

ذرائع کے مطابق گزشتہ روز بسیمہ کے علاقے جُر میں مسلح افراد نے گھات لگا کر ایک مسلح گروہ، جسے مقامی سطح پر ‘ڈیتھ اسکواڈز’ کہا جاتا ہے، کو اس وقت نشانہ بنایا جب وہ علاقے میں پیش قدمی کی کوشش کر رہے تھے۔

ادھر ممائی کے مقام پر صمد سمالانی کی قیادت میں سرگرم ایک اور مسلح گروہ کو بھی حملے کا سامنا کرنا پڑا۔

علاقائی ذرائع کا کہنا ہے کہ بعد ازاں پاکستانی فوج نے مذکورہ گروہ کی مدد کے لیے علاقے میں پیش قدمی کی، جس کے نتیجے میں فریقین کے درمیان طویل جھڑپیں شروع ہو گئیں۔

اطلاعات کے مطابق جھڑپوں میں انور سمالانی سمیت کم از کم سات افراد کے زخمی ہونے کی تصدیق ہوئی ہے، تاہم ہلاکتوں کے بارے میں تاحال کوئی واضح معلومات سامنے نہیں آ سکی ہیں۔