جماعت اسلامی کے امیر کی نظر میں بلوچ پشتون کا خون کرنا جائز ہے۔ شاہ جی صبغت اللہ

مولانا عبدالحق بلوچ کے صاحبزادہ اور انسانی حقوق کے کارکن شاہ جی صبغت اللہ نے اپنے سوشل میڈیا ہینڈل پر پوسٹ میں لکھا ہے کہ امیر جماعت اسلامی پاکستان کا اسپیچ سنا، خوشی ہوئی کہ الفاظ جماعت اسلامی کے امیر کے تھے اور مسئلہ صاف ہو گیا، اکثر میڈیا میں جماعت مخالف کہتے کہ جماعت اسلامی فوج کی بی ٹیم ہے اور جماعت اسلامی کے امیر نے میڈیا کے سامنے اعلان کردیا کہ جماعت اسلامی واقعی فوج کی بی ٹیم ہے، حافظ نعیم اتنے عرصے سید منور حسن کے قریب رہے مگر سید صاحب سے اس نے کچھ نہیں سیکھا، میں یہ سمجھتا تھا کہ جماعت اسلامی ایک ایسی تحریک ہے جو خالص اسلام کے نام پر کام کررہی ہے اور اخوانیوں کا ہم خیال یا حصہ ہے، جو پوری دنیا میں اسلام کے لیے کام کرنا چاہتی ہے اس کے لیے پاکستان ہندوستان کوئی معنی نہیں رکھتے،افسوس ہوتا ہے کہ نعیم الرحمن کو بلوچستان و خیبر پختونخوا میں فوج کی جانب سے ہونے والا قتل عام نظر نہیں آتا یا جان بوجھ کر اسکی آنکھیں بند ہیں،
آج پتہ چلا کہ جماعت اسلامی کے امیر کی نظر میں بلوچ پشتون کا خون کرنا جائز ہے، میرے خیال میں نعیم الرحمن کے اس بیان پر جماعت اسلامی کے بلوچ و پشتون کارکنان اپنا موقف واضح کریں کہ وہ نعیم الرحمن کی طرح فوج کا چمچہ ہونے پر فخر کریں گے یا اپنی قوم کا ساتھ دیں گے جو آج فوج کے ظلم کا شکار ہے۔