خاران و قلات میں آپریشن اور دھماکے کی اطلاعات

خاران و قلات میں آپریشن اور دھماکے کی اطلاعات

اطلاعات کے مطابق خاران کے علاقے لجے میں ہفتہ کی صبح پاکستانی فورسز نے زمینی آپریشن کا آغاز کیا، جس میں متعدد گاڑیوں اور پیدل اہلکاروں حصہ لے رہے ہیں۔ مقامی ذرائع کا کہنا ہے کہ فورسز کی بڑی تعداد علاقے میں دیکھی گئی جبکہ ڈرون طیاروں کے پرواز جاری۔ تاہم اس آپریشن کے حوالے سے حکام کی جانب سے تاحال کوئی باضابطہ بیان جاری نہیں کیا گیا۔

دوسری جانب قلات کے علاقے زاوہ میں گزشتہ شب ایک بم دھماکے کی اطلاع ہے، جس میں پاکستانی فورسز کو نشانہ بنایا گیا۔ ذرائع کے مطابق دھماکہ اس وقت پیش آیا جب بم ڈسپوزل اسکواڈ  ایک دیسی ساختہ بم (آئی ای ڈی) کو ناکارہ بنانے کی کوشش کر رہا تھا۔ واقعے میں جانی نقصان کی اطلاعات ہیں، تاہم ہلاکتوں یا زخمیوں کی تعداد کی سرکاری طور پر تصدیق نہیں ہو سکی۔

حکام کی جانب سے دونوں واقعات پر باضابطہ موقف سامنے نہیں آیا، جبکہ مزید تفصیلات کا انتظار کیا جا رہا ہے۔