ریاست بی وائی سی کی عوامی حمایت سے خوفزدہ ہے۔بلوچ یکجہتی کمیٹی 

ریاست بی وائی سی کی عوامی حمایت سے خوفزدہ ہے۔بلوچ یکجہتی کمیٹی

بلوچ یکجہتی کمیٹی کیچ زون کی جانب سے آج تربت میں ہونے والے احتجاج کو روکنے کے لیے ریاست نے کل سے ہی تربت میں دفعہ 144 نافذ کر دی ہے، کل رات گئے بی وائی سی کی رکن سید بی بی بلوچ کو انکے گھر سے بغیر کسی قانونی جواز کے گرفتار کرلیا گیا اور کہا گیا 24 گھنٹے بعد یعنی احتجاج کے بعد رہا کیا جائے گا۔ آج پورے شہر میں عملاً کرفیو نافذ کر دیا گیا ہے موبائیل نیٹورک اور انٹرنیٹ سروس معطل کر دی گئی ہے اور ایک درجن سے زائد متعدد افراد کی گرفتاریوں کی اطلاعات بھی موصول ہو رہی ہیں۔

یہ تمام اقدامات ریاستی طاقت کے بے دریغ استعمال اور کھلی جبر آمیز پالیسیوں کی عکاسی کرتے ہیں۔ ایک طرف عدلیہ کو سیاسی مخالفین کے خلاف من مانے فیصلوں کے لیے استعمال کیا جا رہا ہے، اور دوسری طرف انہی فیصلوں کے خلاف اٹھنے والی پُرامن عوامی آواز کو گرفتاریوں، پابندیوں، شیلنگ اور خوف کے ذریعے دبانے کی کوشش کی جا رہی ہے۔ یہ سب اس بات کی عیاں کرتے ہے کہ ریاست سیاسی اور اخلاقی بحران کا شکار ہے اور بی وائی سی کی عوامی حمایت سے حد درجہ خوفزدہ ہے۔