قلات: فوجی ہیلی کاپٹروں اور ڈرون طیاروں کی پروازیں جاری، مواصلاتی نیٹ ورکس معطل

قلات: فوجی ہیلی کاپٹروں اور ڈرون طیاروں کی پروازیں جاری، مواصلاتی نیٹ ورکس معطل

قلات اور اس کے گردونواح میں آج صبح سے پاکستانی فوج کے ہیلی کاپٹروں اور ڈرون طیاروں کی آمد و رفت جاری رہنے کی اطلاعات موصول ہوئی ہیں۔

علاقائی ذرائع کے مطابق تحصیل منگچر اور نواحی علاقوں میں صبح سویرے سے ڈرون اور گن شپ ہیلی کاپٹروں کی پروازیں دیکھی جا رہی ہیں، جس کے باعث علاقے میں غیر یقینی صورتحال پائی جاتی ہے۔

ذرائع کا کہنا ہے کہ خضدار سے بھی فوجی ہیلی کاپٹروں کی نقل و حرکت مسلسل جاری ہے، جبکہ قلات، خضدار اور مستونگ میں موبائل اور انٹرنیٹ سروسز سمیت مختلف مواصلاتی نیٹ ورکس معطل کر دیے گئے ہیں۔