لاہور سے ایم فل اسکالر عمار بلوچ جبری لاپتہ، اہلخانہ کی بازیابی کی اپیل

لاہور سے ڈیرہ غازی خان سے تعلق رکھنے والے بلوچ طالب علم اور ایم فل اسکالر عمار بلوچ کو پاکستانی فوج کے خفیہ اداروں نے حراست میں لے کر نامعلوم مقام پر منتقل کردیا، جس کے بعد سے ان کا اپنے اہلخانہ سے کوئی رابطہ نہیں ہو سکا۔

موصولہ اطلاعات کے مطابق ڈیرہ غازی خان کے قصبہ کالا کے رہائشی عمار بلوچ کو گزشتہ رات تقریباً 12:30 بجے لاہور سے حراست میں لیا گیا۔

عمار بلوچ نے پنجاب یونیورسٹی لاہور سے بی ایس کی ڈگری حاصل کرنے کے بعد حال ہی میں چین سے ایم فل کی تعلیم مکمل کی تھی۔

واقعے کے بعد ساتھی طلبہ اور انسانی حقوق کے کارکنوں نے عمار بلوچ کی فوری اور بحفاظت بازیابی کا مطالبہ کیا ہے۔

طلبہ کا کہنا ہے کہ اگر عمار بلوچ پر کوئی الزام ہے تو انہیں قانون کے مطابق عدالت کے سامنے پیش کیا جائے، بصورت دیگر جبری گمشدگی کا سلسلہ بند کیا جائے۔