ٹرمپ نے خود کو امریکی تاریخ کا ’’عظیم ترین‘‘ صدر قرار دے دیا

امریکی صدر ڈونلڈ ٹرمپ نے ٹروتھ سوشل پر امریکی صدور کی اپنی درجہ بندی جاری کرتے ہوئے خود کو امریکی تاریخ کا ’’عظیم ترین‘‘ صدر قرار دے دیا۔

ٹرمپ کی فہرست میں ابراہام لنکن، جارج واشنگٹن، فرینکلن ڈی روزویلٹ، ووڈرو ولسن، تھامس جیفرسن اور اینڈریو جیکسن کو ’’عظیم‘‘ قرار دیا گیا۔

تھیوڈور روزویلٹ، گروور کلیولینڈ، جان ایڈمز اور جیمز کے پولک کو ’’عظیم کے قریب‘‘ جبکہ سابق صدر بل کلنٹن سمیت 12 صدور کو ’’اوسط‘‘ درجے میں رکھا گیا۔

ٹرمپ نے چھ صدور کو ’’اوسط سے کم‘‘ اور سابق صدور جو بائیڈن، باراک اوباما، جمی کارٹر، یولیسس ایس گرانٹ اور وارن ہارڈنگ کو ’’ناکام‘‘ صدور قرار دیا۔