ایرانی فورسز اور مواصلاتی ٹاورز پر نو الگ الگ حملوں کی ذمہ داری قبول کرتے ہیں۔ بی این اے

بلوچ نیشنلسٹ آرمی کے ترجمان بیبرگ بلوچ نے میڈیا کو جاری بیان میں کہا ہے کہ گزشتہ رات، 30 اکتوبر 2026 کو، ہمارے سرمچاروں نے دلگان میں سپاہ پاسداران سے وابستہ بسیج کے ایک کیمپ کو خودکار ہتھیاروں سے نشانہ بنایا، جس کے نتیجے میں متعدد اہلکار ہلاک اور زخمی ہوئے۔

انہوں نے کہا کہ اسی رات پل سرباز کے علاقے میں دو مقامات کو بیک وقت نشانہ بنایا گیا، جن میں انتظامی پولیس کا ایک آپریشنل کیمپ اور سپاہ پاسداران سے وابستہ ایک دوسرا کیمپ شامل تھا۔ ایرانی فورسز کو جانی اور مالی نقصان اٹھانا پڑا۔

مزید کہا کہ اسی رات ہمارے سرمچاروں نے راسک کے علاقے دوراہی پارود میں سپاہ پاسداران کے ایک کیمپ پر بھی حملہ کیا، جس کے نتیجے میں فورسز کو جانی اور مالی نقصان پہنچا۔

ترجمان نے کہا کہ سوران کے علاقے ہیدوچ مولتان میں ایک مواصلاتی ٹاور کو نذرِ آتش کیا گیا۔ اسی طرح ضلع راسک کے علاقے جکیگور میں بافتان کے قریب ایک اور مواصلاتی ٹاور کو بھی آگ لگا دی گئی۔

بیبرگ بلوچ نے کہا کہ یکم مارچ 2026 کو ہمارے سرمچاروں نے چکاپ کے قریب نام نہاد سرحد پر واقع ایرانی مرصاد فورسز کی ایک چوکی کو جدید ہتھیاروں سے نشانہ بنایا۔ اس حملے میں دشمن فورسز کو جانی اور مالی نقصان اٹھانا پڑا۔

مزید کہا کہ 5 مارچ 2026 کو ایرانشہر کے علاقے سرکہوران کے قریب گشت پر مامور ایرانی پولیس اہلکاروں کی ایک گاڑی کو جدید ہتھیاروں سے نشانہ بنایا گیا۔ اس حملے میں ایک اہلکار ہلاک اور دو دیگر زخمی ہوئے۔

ترجمان نے کہا کہ 7 مارچ 2026 کو دوپہر ایک بجے سرباز کے علاقے دنداروک میں ایرانی بسیج فورسز کی دو گاڑیوں پر جدید ہتھیاروں سے شدید حملہ کیا گیا۔ اس حملے میں دشمن کے تین اہلکار ہلاک ہوئے۔

ترجمان نے آخر میں کہا کہ ہماری ایسی کارروائیاں قابض دشمن کے انفراسٹرکچر اور فورسز کے خلاف بلوچستان کی آزادی تک جاری رہیں گی۔