بریکنگ نیوز: متحدہ قومی موومنٹ کے بانی الطاف حسین کا پاکستان سے علیحدگی کا اعلان اقوام متحدہ سمیت عالمی اداروں سے رابطہ کرنے کی ہدایات جاری

بریکنگ نیوز: متحدہ قومی موومنٹ کے بانی الطاف حسین کا پاکستان سے علیحدگی کا اعلان اقوام متحدہ سمیت عالمی اداروں سے رابطہ کرنے کی ہدایات جاری

لندن، 29 جون 2025 – متحدہ قومی موومنٹ (MQM) کے بانی اور قائد، جناب الطاف حسین نے آج ایک ہنگامی ٹک ٹاک لایو پر خطاب کرتے ہوئے پاکستان سے حق خود ارادیت کا اعلان کر دیا۔ اس غیر متوقع اعلان نے پاکستان کی سیاسی اور عوامی حلقوں میں شدید ہلچل مچا دی ہے۔
الطاف حسین نے لندن سے اپنے سوشل میڈیا ٹک ٹاک لائیو پر عوام کو مخاطب کرتے ہوئے کہا کہ پاکستان میں مہاجر برادری کو قیام پاکستان سے لیکر آج تک امتیازی سلوک اور ناانصافیوں کا سامنا ہے اور اب ان کے پاس اپنے مستقبل کا فیصلہ خود کرنے کے سوا کوئی چارہ نہیں ہے۔ انہوں نے کہا کہ مہاجروں کو پاکستان میں دوسرے درجے کا شہری سمجھا جاتا ہے اور ان کے آئینی حقوق سلب کیے جا رہے ہیں۔ گزشتہ کئی دہایوں سے ہزاروں مہاجر نوجوانوں کا قتل عام کیا گیا ہے اور ہزاروں نوجوانوں کو ریاستی اداروں نے جبری گمشدگی کا شکار بنایا ہے۔

انہوں نے اپنے حامیوں سے پرامن رہنے کی اپیل کی تاہم اس حق خود ارادیت کے مطالبے کو عالمی برادری تک پہنچانے کا عندیہ دیا۔ الطاف حسین نے مزید تفصیلات بتائے بغیر کہا کہ اس تحریک کے لائحہ عمل کا اعلان جلد کیا جائے گا۔

پاکستان میں اس اعلان پر فوری اور شدید ردعمل سامنے آیا ہے۔ سیاسی مبصرین کا کہنا ہے کہ یہ اعلان ایک ایسے وقت میں سامنے آیا ہے جب الطاف حسین کی جماعت کو پاکستان میں قانونی اور سیاسی چیلنجز کا سامنا ہے۔ جبکہ دیگر اسے ایک سنجیدہ معاملہ قرار دے رہے ہیں جو پاکستان کے اندرونی استحکام کے لیے نئے چیلنجز پیدا کر سکتا ہے۔

یہ دیکھنا باقی ہے کہ الطاف حسین کے اس اعلان کے بعد پاکستان میں دیگر سیاسی جماعتوں کا کیا ردعمل سامنے آتا ہے۔ عالمی برادری کی جانب سے تاحال اس معاملے پر کوئی ردعمل سامنے نہیں آیا ہے۔