بلوچستان میں فورسز پر حملوں، فائرنگ، راکٹ حملوں اور حادثے کے مختلف واقعات، ہلاکتوں اور زخمیوں کی اطلاعات

کوئٹہ: سریاب میں گزشتہ روز سی ٹی ڈی اہلکاروں پر حملے میں 3 اہلکار ہلاک اور 2 زخمی ہونے کی اطلاعات ہیں۔

خضدار: وڈھ کے علاقے سونارو میں پاکستانی فورسز کی گاڑی کو دھماکے کا نشانہ بنائے جانے کی اطلاعات ہیں، تاہم جانی نقصان کی تفصیلات سامنے نہیں آسکیں۔

دکی: لونی کے علاقے کلی معروف زئی پر پہاڑوں سے دو راکٹ لانچر فائر کیے گئے۔ پولیس کے مطابق ایک راکٹ کھلے میدان جبکہ دوسرا احمد معروف زئی کے گھر کی چاردیواری میں جا لگا۔ اس دوران مقامی افراد اور نامعلوم گروہ کے درمیان شدید فائرنگ کا تبادلہ بھی ہوا، تاہم تاحال کسی جانی نقصان کی اطلاع نہیں۔

مستونگ: نوزہ کانک میں مسلح افراد کی فائرنگ سے 2 افراد ہلاک جبکہ ایک شخص شدید زخمی ہونے کی اطلاعات ہیں۔

واشک: ناگ کے علاقے میں ریاستی ڈیتھ اسکواڈ کے کارندوں پر بم حملے کی اطلاعات ہیں، واقعے میں جانی نقصان کا خدشہ ظاہر کیا جا رہا ہے۔

تربت: کار واش کے دوران گاڑی کی ٹکر سے سروس اسٹیشن کا ملازم رضوان ولد رفیق سید جاں بحق ہوگیا۔ ذرائع کے مطابق وہ گاڑی ریورس کروانے کے لیے ڈرائیور کو اشارے دے رہا تھا کہ مبینہ طور پر ڈرائیور نے بریک کے بجائے ایکسیلیٹر دبا دیا، جس سے گاڑی آگے بڑھ کر اسے دیوار کے ساتھ کچل گئی۔ پولیس نے ڈرائیور الطاف کو گرفتار کرلیا۔