بلوچ قومی جدوجہد میں خواتین کے کلیدی کردار کا اعتراف؛ ‘درین بلوچ’ تنظیم کی پہلی خاتون ترجمان مقرر۔ بی این اے

بلوچ نیشنلسٹ آرمی BNA

مرکزی میڈیا سیل

تاریخ: 22 اپریل 2026

بلوچ قومی جدوجہد میں خواتین کے کلیدی کردار کا اعتراف؛ ‘درین بلوچ’ تنظیم کی پہلی خاتون ترجمان مقرر

اعلامیہ

بلوچستان: بلوچ نیشنلسٹ آرمی (BNA) کے ترجمان نے میڈیا کو جاری کردہ اپنے تازہ ترین تفصیلی بیان میں اس عزم کا اعادہ کیا ہے کہ بلوچ قومی تحریک محض ایک عسکری مزاحمت نہیں بلکہ ایک ہمہ جہت سماجی انقلاب ہے، جس میں خواتین کی قربانیاں اور فکری رہنمائی سنگ میل کی حیثیت رکھتی ہیں۔

بلوچ قومی تاریخ میں خواتین کے لازوال اور مزاحمتی کردار کو مدِ نظر رکھتے ہوئے۔ بلوچ نیشنلسٹ آرمی’درین بلوچ’ کو تنظیم کا باقاعدہ خاتون ترجمان مقرر کرنے کا اعلان کرتی ہے۔

بیان میں کہا گیا ہے کہ بانڑی سے لے کر کریمہ بلوچ تک، بلوچ خواتین نے ہر محاذ پر ثابت قدمی دکھائی ہے۔ بی این اے سمجھتی ہے کہ خواتین کی شمولیت کے بغیر کوئی بھی تحریک اپنی منطقی منزل تک نہیں پہنچ سکتی۔

درین بلوچ کی بطور ترجمان تقرری اس بات کا ثبوت ہے کہ تنظیم خواتین کو فیصلہ سازی اور پالیسی سازی کے کلیدی عہدوں پر دیکھنے کی حامی ہے۔ وہ اب سے تنظیم کے سیاسی موقف، نظریاتی تشہیر اور خواتین کے محاذ پر جاری سرگرمیوں کی نمائندگی کریں گی۔

ترجمان نے واضح کیا کہ دشمن یہ تاثر دینے کی کوشش کرتا رہا ہے کہ یہ جنگ صرف مردوں تک محدود ہے، جبکہ بلوچ مزاحمتی تحریک میں خواتین کی لاتعداد شمولیت اور قربانیاں اس پروپیگنڈے کو مسترد کرتی ہیں۔ بلوچ خواتین اب صرف گھروں تک محدود نہیں بلکہ میدانِ عمل میں بھی دشمن کے خلاف صف آرا ہیں۔

بلوچ نیشنلسٹ آرمی تمام بلوچ خواتین کو دعوت دیتی ہے کہ وہ قومی آزادی کی اس جہدِ مسلسل میں اپنا فعال کردار ادا کریں۔ درین بلوچ کی آواز دراصل ان ہزاروں ماؤں، بہنوں اور بیٹیوں کی آواز ہوگی جو ریاستی جبر کے خلاف سینہ سپر ہیں۔

بی این اے کے مطابق، آنے والے دنوں میں تنظیم کے سیاسی اور سفارتی ونگز میں خواتین کی نمائندگی کو مزید وسعت دی جائے گی۔ درین بلوچ بہت جلد میڈیا کے ذریعے اپنے پہلے باقاعدہ موقف کا اظہار کریں گی، جو بلوچ قومی جدوجہد میں خواتین کی شمولیت کے حوالے سے ایک نئے باب کا آغاز ہوگا۔

مرکزی ترجمان، بلوچ نیشنلسٹ آرمی (BNA)