بی ایل اے کا عوام سے بھتہ خوری پر لاتعلقی کا اعلان، افیون کی کاشت فوری ختم کرنے کا انتباہ

بی ایل اے کا عوام سے بھتہ خوری پر لاتعلقی کا اعلان، افیون کی کاشت فوری ختم کرنے کا انتباہ

بلوچ لبریشن آرمی کے ترجمان آزاد بلوچ نے میڈیا کو جاری کردہ بیان میں کہا ہے کہ بی ایل اے اپنی پالیسی بیان کو دوہراتے ہوئے ایک بار پھر بلوچ عوام سے مخاطب ہے کہ ہماری تنظیم کو بلوچستان کے مختلف علاقوں میں تنظیمی سطح پر عوام کے ساتھ طویل رابطوں سے پتہ چلا ہے کہ کچھ جگہوں پر دوسرے آزادی پسند تنظیم کے لوگ ہماری تنظیم کا نام استعمال کرتے ہوئے غریب بلوچ عوام سے ناجائز ٹیکس جمع کررہے ہیں اور مزدور پیشہ اور مقامی کاشتکاروں سے حاصل ہونے والی اناج ، سبزی اور فروٹ کے باغات کی آمدنی میں حصہ طلب کررہے ہیں۔ ٹیکس نہ دینے والوں کو بلا وجہ تنگ کررہے ہیں اور کچھ جگہوں پر بھتہ وصولی کے نام پر عوام کو ہراساں کرنے کے واقعات بھی رپورٹ ہوئے ہیں۔

انہوں نے کہا ہماری تنظیمی پالیسی شروع دن سے شفاف اور واضع رہی ہے ہم نے اس جنگ کی شروعات کی اور اسے کامیاب بنانے کے لیے بلوچ عوام کو طاقت کا سر چشمہ قرار دیا ہے۔ ہم نے کھبی بھی بلوچ عوام کے نجی کاروبار پر نہ ٹیکس کے نفاذ جیسے پالیسی کی حوصلہ افزائی کی نہ ہی ناجائز ٹیکس اور بھتہ کے لیے کسی پر دباؤ ڈالا ہے۔اگر باہمت بلوچ طبقہ اپنی قومی فریضہ سمجھ کر اور رضہ مندی سےہمارے جہد کاروں کو مالی امداد دینا چاہیں تو ہم منع نہیں کریں گے لینے نہ دینے والوں کو تنگ بھی نہیں کریں گے۔

ترجمان کے مطابق بلوچستان کے کچھ علاقوں سے بلوچ عوام خاص کر مقامی کاشتکاروں کی طرف سے ہمیں شکایات موصول ہوئی ہیں کہ آزادی پسند تنظیم کے لوگ ان کے لیے مشکلات پیدا کررہے ہیں جن سے علاقے میں کاشتکاری متاثر ہورہی ہیں، فصلیں تباہ ہورہی ہیں ۔ بی ایل اے بلوچ عوام کو نقصان پہنچانے کی پالیسیوں کی سختی سے مخالفت کرتی ہے۔ آئندہ اگر بلوچ عوام سے کوئی بھی شخص ہماری تنظیم کا نام استمعال کرتے ہوئے ٹیکس یا بھتہ طلب کرے تو ہمارے آفیشل چینلز کے ذریعے ہمیں اس کی اطلاع دی جائے یا ایسے اشخاص سے متعلق سوشل میڈیا کے ذریعے سوال اٹھائے جائیں۔ بی ایل اے ان واقعات کی تدارک، بلوچ عوامی مسائل جاننے اور شکایات سننے کے لیے ایک سنٹرلایذڈ ہیلپ لائن بھی جلد متعارف کرائے گی۔

قابض پاکستانی قوتوں اور سرمایہ داروں کی بلوچ وسائل کے لوٹ مار کے خلاف مزاحمت اور ریاستی اداروں کو معاشی دباؤ کا شکار بنانے میں کوئی قباحت نہیں ہے لیکن بلوچ عوام کے نجی کاروبار میں مداخلت اور اس میں حصہ داری کا دعویٰ کرنا ہماری تنظیم پالیسی کا حصہ نہیں ہے۔

انہوں نے مزید کہا اسی طرح بی ایل اے بلوچستان کے مخیر حضرات اور صاحبِ حیثیت سرمایہ دار طبقے سے بھی مخاطب ہے کہ آزادی کی جدوجہد کی ذمہ داری محض ایک تنظیم پر عائد نہیں ہوتی۔ بلوچستان کے باوسائل اور صاحبِ استطاعت افراد پر بھی یہ قومی فریضہ عائد ہوتا ہے کہ بلوچ قومی تحریک آزادی میں اپنا حصہ ڈالیں۔

اگر وہ عملی طور پر ہتھیار اٹھا کر جدوجہد میں شریک نہیں ہوسکتے تووہ بلوچ جہد کاروں کو مالی معاونت دے تاکہ آزادی کی اس تحریک کو مزید مضبوط بنایا جاسکے۔ قومی آزادی کے حصول کے لیے درکار وسائل کی فراہمی میں ان کا تعاون نہایت اہم ہے، جس کے ذریعے قابض قوتوں کے خلاف جدوجہد کو مؤثر بنایا جا سکتا ہے اور اپنی سرزمین کی جلد از جلد آزادی کی راہ ہموار کی جا سکتی ہے۔

اس کے علاؤہ بی ایل اے کو بلوچستان کے چند دہی علاقوں سے مقامی تاجروں کی طرف سے افیون کی کاشت کی اطلاعات موصول ہوئی ہیں جو کہ ہماری تنظیم کے لیے اور پوری بلوچ قوم کے لیے انتہائی تشویشناک پہلو ہے۔ ایسی سرگرمیاں اگر کوئی مقامی لوگ اپنے طور پر کررہے ہیں یا قابض دشمن کی حمایت یا ایما پر کررہے ہیں دونوں صورتوں میں ناقابل قبول اور قوم دشمن اقدام تصور کیا جاتا ہے۔ بی ایل اے بحیثیت ایک زمہ دار تنظیم افیون کی کاشت، تجارت اور اسے بلوچستان میں پھیلانے کی اجازت نہیں دے سکتی۔

ترجمان نے بتایا کہ قابض پاکستانی فوج کی منشاء ہے کہ وہ بلوچ نوجوان نسل کو نشے کا شکار بناکر ہماری پوری نسل کو تباہی سے دوچار کرے۔ بی ایل اے نے شروع سے نشے کی پیداوار، اس کی بلوچ سماج کے اندر تجارت، پھیلاؤں اور اس کی کھپت پر مکمل پابندی عائد کر رکھی ہے۔ دو ہزار چودہ میں ہماری تنظیم کی جانب سے ہرنائی، دکی، اور کچھ دیگر علاقوں افیون کی کاشت کو تلف کرنے کی مہم کا آغاز کیا گیا تھا جس کا مقصد بلوچستان کو افیون اور دیگر نشے سے پاک کرنا ہے۔ ہم ان تمام افیون کے کاشتکاروں، تاجروں، اس کی حوصلہ افزائی کرنے والے گروہوں اور قابض دشمن اداروں کو سختی سے تنبیہ کرتے ہیں کہ وہ بلوچستان کے تمام علاقوں سے افیون کی کاشت کو فوری طور پر تلف کرے ورنہ بی ایل اے بڑے پیمانے ان نشے کے فصلوں تلف کرنے کی آپریشن پر غور کرسکتی ہے۔

ہمیں افیون کی کاشت سے حاصل ہونے والی کسی کی ذاتی تجارت یا فائدے سے زیادہ بلوچ نوجوان نسل کا مستقبل سب سے عزیز ہے۔ ہم کسی صورت بلوچ نوجوان نسل کو نشے کی عادی بن کر موت کے منہ میں جاتے نہیں دیکھ سکتے۔ اس موقع پر ہم اپنے عوام سے توقع رکھتے ہیں کہ وہ اپنے اپنے علاقوں میں افیون کاشت پر مزاحمت کریں یا ہمیں فوری اطلاع دیں اس کے علاؤہ تمام بلوچ قوم کا بھی یہ قومی فریضہ ہے کہ ان سماجی تباہی کا موجب بننے والے نشہ کی فصلوں کی کاشت کاری میں ملوث عناصر کا راستہ روکیں کیونکہ دشمن کا ایک دانستہ پالیسی ہے کہ وہ بلوچ قوم کا جنگ میں مقابلہ کرنے کی سکت نہ رکھنے کی وجہ سے اب وہ ہماری نسل کو نشے میں ملوث کرکے ان کو قومی غلامی، قبضہ کے خلاف قومی مزاحمت سے بیگانہ کرنا چاہتی ہے ۔ اگر بلوچ نے آج قابض کی ان گھناؤنی سازوں کو ناکام بنانے میں ہمارا ساتھ دینے میں کوتاہی کی تو دشمن ہمیں بندوق، توپ اور جیٹ طیاروں سے مارنے کی بجائے ہمیں نشے میں ملوث کرکے قومی بیگانگی اور تباہی کا شکار بنائے گی۔ مکران ریجن میں نشے کا شکار افراد کی ری ہیبلیٹیشن سینٹرز میں مریضوں کی بڑھتی ہوئی تعداد بلوچ سماج کے لیے خطرے کی گھنٹی ہے دشمن کا منصوبہ ہے کہ پورے بلوچستان کو نشے کی ناسور کا شکار بنایا جائے۔

انہوں نے کہاکہ تاریخ کے مطالعہ سے پتہ چلتا ہے قابض قوتوں نے مقامی آبادی کو غلام بنانے اور قومی زمہ داریوں سے غافل رکھنے کے لیے ہمیشہ نشے کے پھیلاؤ کو دانستہ حکمتِ عملی کے طور پر استعمال کیا ہے۔ بیرونی قبضہ گیر نوآبادیاتی قوتوں نے نشہ آور اشیاء کے پھیلاؤ کی حوصلہ افزائی کی، اورنشے کو بطور ایک ہتھیار استعمال کیا ہے۔ ان واقعات کے نتیجے میں متاثرہ اقوام کو نہ صرف سماجی اور اخلاقی طور پر ناقابل تلافی نقصان پہنچا بلکہ ان کی تعلیمی نظام درھم برہم ہوئی، معاشی ڈھانچہ کمزور ہوا اور قومی ترقی بھی شدید متاثر ہوئی۔

آزاد بلوچ نے کہا کہ اس سلسلے کی سب سے نمایاں مثال انیسویں صدی کا چین ہے، جہاں برطانوی سلطنت اور ایسٹ انڈیا کمپنی نے ہندوستان میں کاشت کی جانے والی افیون کو وسیع پیمانے پر چین میں فروخت کرنے کا منصوبہ بنایا۔ وقت گزرنے کے ساتھ لاکھوں چینی شہری افیون کے عادی ہوگئے، جس سے معاشرہ، معیشت اور ریاستی ڈھانچہ کمزور پڑنے لگا۔ نشے کی وبا نے چین کی پیداواری صلاحیت کو متاثر کیااور سماجی بگاڑ پیدا کیا۔ بہت سے چینی مورخین اس دور کو چین کی قومی کمزوری اور "صدیِ ذلت” کے آغاز کے اہم اسباب میں شمار کرتے ہیں۔ جہاں چینی فوج کو بیرونی طاقتوں سے فوجی اعتبار سے شکست ہوئی کیونکہ منشیات کی کثرت نے چین کے فوجی صلاحیتوں کو بری طرح متاثر کیا ہوا تھا۔

اسی طرح ویتنام جنگ کے دوران 1960ء سے 1975ء کے درمیان جنگی حالات، کمزور حکومتی کنٹرول اور مجرمانہ نیٹ ورکس کی سرگرمیوں کے باعث ہیروئن اور دیگر منشیات کی دستیابی میں نمایاں اضافہ ہوا۔ اس کے نتیجے میں ہزاروں افراد، خصوصاً فوجی، نشے کا شکار ہوئے۔ جنگ کے خاتمے کے بعد بھی اس کے اثرات طویل عرصے تک معاشرے میں موجود رہے، جن میں نفسیاتی مسائل، سماجی بے چینی اور نوجوان نسل کی تباہی شامل تھی۔

انہوں نے مزید کہا افغانستان بھی ایک ایسی مثال ہے جہاں کئی دہائیوں سے جاری جنگوں، سیاسی عدم استحکام اور مسلح تنازعات کے دوران افیون کی پیداوار اور تجارت میں اضافہ ہوا۔ 1980ء کی دہائی سے مختلف مسلح گروہوں، منشیات فروش نیٹ ورکس اور جنگی دھڑے افیون کی پیداوار میں ملوث رہے ہیں اس صورت حال نے نوجوان نسل، تعلیم، صحت اور معاشی ترقی پر منفی اثرات مرتب کیے۔

آخر میں ترجمان نے کہاکہ تاریخی تجربات سے یہ بات واضح ہوتی ہے کہ جب کسی قوم میں نشہ وسیع پیمانے پر پھیل جاتا ہے تو اس کے اثرات صرف افراد تک محدود نہیں رہتے بلکہ پورا معاشرہ متاثر ہوتا ہے۔ نوجوان نسل تعلیم سے دور ہونے لگتی ہے، ہنر مند افرادی قوت کمزور پڑ جاتی ہے، جرائم میں اضافہ ہوتا ہے، خاندانی نظام متاثر ہوتا ہے اور صحت کے مسائل بڑھ جاتے ہیں۔ اس کے نتیجے میں قومی ترقی کی رفتار سست پڑ جاتی ہے اور بعض اوقات ایک قوم کو اپنی تعلیمی، معاشی اور سماجی حیثیت بحال کرنے میں کئی دہائیاں لگ جاتی ہیں۔