حلیم زہری کی جبری گمشدگی باعثِ تشویش ہے، فوری بازیابی کا مطالبہ کرتے ہیں۔ وی بی ایم پی 

حلیم زہری کی جبری گمشدگی باعثِ تشویش ہے، فوری بازیابی کا مطالبہ کرتے ہیں۔ وی بی ایم پی

اہلِ خانہ کے مطابق پاکستانی فورسز نے اللہ آباد ٹاؤن حب سے حلیم زہری ولد عبدالقادر کو حراست میں لے کر نامعلوم مقام پر منتقل کردیا۔ حلیم زہری کا تعلق خضدار کے علاقے زہری سے ہے جبکہ حالیہ دنوں میں وہ اللہ آباد ٹاؤن حب میں مقیم تھے۔

اہلِ خانہ کا کہنا ہے کہ ایک ہفتہ قبل بھی انہیں پسنی کے قریب حراست میں لیا گیا تھا، جہاں وہ کنٹانی میں مزدوری کرتے ہیں، تاہم بعد ازاں انہیں رہا کردیا گیا تھا۔ اب ایک بار پھر انہیں حراست میں لینے کے بعد جبری طور پر لاپتہ کردیا گیا ہے۔

وائس فار بلوچ مسنگ پرسنز (VBMP) حلیم زہری کی جبری گمشدگی پر شدید تشویش کا اظہار کرتے ہوئے اعلیٰ حکام سے مطالبہ کرتی ہے کہ انہیں فوری طور پر بازیاب کرکے اہلِ خانہ کے سامنے پیش کیا جائے