درعین بلوچ پہلی خاتون ترجمان کی تقرری اور عالمی برادری کے نام اہم پیغام۔ بی این اے 

درعین بلوچ پہلی خاتون ترجمان کی تقرری اور عالمی برادری کے نام اہم پیغام۔ بی این اے

بلوچ نیشنلسٹ آرمی کے ترجمان درعین بلوچ نے میڈیا کو جاری کردہ بیان میں کہا ہے کہ بلوچ نیشنلسٹ آرمی کے ترجمان کی حیثیت سے میں، درعین بلوچ، اپنا پہلا باضابطہ بیان جاری کرتے ہوئے بلوچ قوم، خاص طور پر خواتین اور بین الاقوامی برادری کو مخاطب کر رہی ہوں۔ میری تقرری بلوچ تحریکِ آزادی کے ایک نئے باب کا آغاز ہے، جو اس حقیقت کا اعتراف ہے کہ یہ جنگ محض مردوں کے کندھوں پر نہیں بلکہ پوری بلوچ قوم کی مشترکہ جدوجہد بن چکی ہے۔

ترجمان نے کہا کہ بلوچستان کی تاریخ کسی سے ڈھکی چھپی نہیں ہے۔ ہم ایک ایسی قوم ہیں جس نے صدیوں تک اپنی آزاد ریاست اور منفرد ثقافتی شناخت کو برقرار رکھا۔ ہماری خود آزادی و مختاری پر جو شب خون مارا گیا، آج کی یہ مزاحمت اسی تاریخی ناانصافی کے خلاف ایک ردعمل ہے۔ میر محراب خان کی قربانی سے لے کر آج کے نوجوانوں تک، بلوچ نے کبھی بھی غلامی کو قبول نہیں کیا۔ ہم اس سرزمین کے وارث ہیں جس کی سرحدیں اور تاریخ مسخ کرنے کی کوشش کی گئی، لیکن ہماری جبلت میں آزادی کا عنصر آج بھی اتنا ہی تازہ ہے جتنا صدیوں پہلے تھا۔ ہماری جنگ کسی نئے ملک کی تخلیق کے لیے نہیں، بلکہ اپنی اس کھوئی ہوئی آزادی کی بحالی کے لیے ہے جو بین الاقوامی قوانین اور اخلاقیات کے عین مطابق ہے۔

مزید کہا کہ بلوچ خواتین کی شمولیت محض علامتی نہیں، بلکہ اس تاریخی مزاحمت کی روح ہے۔ تاریخ گواہ ہے کہ جب کسی قوم کی مائیں، بہنیں اور بیٹیاں اپنے گھروں کی دہلیز پار کر کے نظریاتی اور مسلح محاذ پر قدم رکھتی ہیں، تو وہ آزادی کی تحریک ناقابلِ شکست بن جاتی ہے۔

ترجمان نے مزید بتایا کہ مسلح محاذ پر ایک خاتون ترجمان کی موجودگی اس بات کا ثبوت ہے کہ بلوچ خواتین اب گھروں نہیں بیٹھیں بلکہ وہ اپنی آزادی کے فیصلے خود کرنے اور اپنی مادر وطن کا دفاع کرنے کے لیے مسلح جدوجہد کے ہر شعبے میں فعال کردار ادا کر رہی ہیں۔ بلوچ خاتون آج بندوق کے ساتھ ساتھ قلم اور اپنی آواز کے ذریعے بھی دشمن کے بیانیے کو پاش پاش کر رہی ہے۔

بلوچ نیشنلسٹ آرمی اس پلیٹ فارم کے ذریعے دنیا کی بڑی طاقتوں، اقوامِ متحدہ اور انسانی حقوق کے عالمی اداروں کو درج ذیل نکات پر توجہ دلانا چاہتی ہے:

حقِ خودارادیت ایک عالمی حق ہے۔ بلوچ قوم کی جنگ کسی ملک کے خلاف دہشت گردی نہیں، بلکہ اپنے غصب شدہ حقوق اور مادرِ وطن کی آزادی کی بحالی کی قانونی و اخلاقی جنگ ہے۔ ہم عالمی قوانین کے تحت اپنے حقِ دفاع کا استعمال کر رہے ہیں۔

یہ جنگ بلوچ قوم کے معاشی استحصال کے خاتمہ کی جد و جہد ہے۔ بلوچستان کے ساحل و وسائل پر بلوچ قوم کی مرضی کے بغیر کیے جانے والے تمام بین الاقوامی معاہدے غیر قانونی ہیں۔ عالمی سرمایہ کار تنظیمیں بلوچ قوم کی مرضی کے بغیر یہاں سرمایہ کاری سے گریز کریں، بصورتِ دیگر ان کے نقصانات کی ذمہ دار وہ خود ہوں گی۔

ترجمان نے بتایا کہ ہم عالمی برادری سے مطالبہ کرتے ہیں کہ وہ بلوچستان میں جاری "فورسڈ ڈس اپیئرنسز” (جبری گمشدگیوں) اور ماورائے عدالت قتل کے واقعات پر اپنی خاموشی توڑیں اور بلوچ قوم کی تحریک آزادی کی حمایت کریں۔ ہم سمجھتے ہیں کہ خاموشی ظالم کی حمایت کے مترادف ہے۔

میری بطور ترجمان موجودگی اس بات کا ثبوت ہے کہ ہمارا "نیشنلزم” قدامت پسندی کا شکار نہیں ہے۔ ہم ایک ایسے سیکولر اور جمہوری بلوچستان کا خواب دیکھ رہے ہیں جہاں عورت اور مرد شانہ بشانہ قوم کی تعمیرِ نو کریں۔ ہماری قوم پرستی ہمیں سکھاتی ہے کہ وطن کی مٹی پر سب کا یکساں حق ہے۔

آزادی اب ہمارے لیے محض ایک انتخاب نہیں بلکہ بقا کا واحد راستہ ہے۔ جس طرح ہمارے قدرتی وسائل (گیس، سونا، تانبا) کو بے دردی سے لوٹا جا رہا ہے، اس نے ہمیں اس نہج پر لا کھڑا کیا ہے کہ اگر آج ہم نے مزاحمت نہ کی تو ہماری آنے والی نسلیں اپنی ہی زمین پر اقلیت اور غلام بن کر رہ جائیں گی۔

آزادی کی قیمت بھاری ہے، لیکن غلامی کی قیمت اس سے کہیں زیادہ ہولناک ہے۔ ہم نے غلامی کی ذلت کے بجائے آزادی کی جنگ کے کانٹوں بھرے راستے کو چنا ہے کیونکہ یہی راستہ ہماری قومی غیرت اور معاشی خود مختاری کی ضمانت دیتا ہے۔”

میں درعین بلوچ، دنیا کو یہ باور کرانا چاہتی ہوں کہ بلوچ نیشنلسٹ آرمی کی یہ جدوجہد کسی تعصب یا نفرت پر مبنی نہیں، بلکہ یہ اپنی جڑوں سے جڑے رہنے کی ایک پکار ہے۔ ہم تب تک نہیں رکیں گے جب تک اس سرزمین کا آخری فیصلہ یہاں کے اصل وارث، یعنی بلوچ عوام خود نہ کرنے لگیں۔

بلوچ نیشنلسٹ آرمی کا نظریہ خالصتاً سائنسی اور جدید قوم پرستی پر مبنی ہے۔ ہمارے لیے نیشنلزم صرف جذباتی نعرہ نہیں، بلکہ ایک سیاسی و سماجی ضرورت ہے۔ جب ایک قوم کی زبان، ثقافت اور تاریخ کو مٹانے کی کوشش کی جائے، تو نیشنلزم ہی وہ واحد ڈھال ہے جو اسے فنا ہونے سے بچاتی ہے۔ ہم بلوچ قوم پرستی کے ذریعے بکھرے ہوئے قوم کو ایک لڑی میں پرو رہے ہیں

بلوچ نیشنلسٹ آرمی اپنے نظریات پر سختی سے کاربند ہے۔ ہم ایک ایسے آزاد بلوچستان کے لیے لڑ رہے ہیں جہاں تمام انسانوں کو برابری، انصاف اور وقار کے ساتھ جینے کا حق حاصل ہو۔ میری تقرری اس عزم کی عکاسی کرتی ہے کہ بلوچ مزاحمت جدید خطوط پر استوار ہو رہی ہے اور اس میں صنفی امتیاز کی کوئی جگہ نہیں ہے۔

آخر میں کہا کہ ہماری جنگ آخری فتح اور بلوچستان کی آزادی تک جاری رہے گی۔