زامران قابض پاکستانی فورسز نے علاقے کے مکینوں کو انکے گھروں سے بے دخل کر دیا

اطلاعات کے مطابق زامران کے علاقے چُر اور گیشتردان کے رہائشیوں کو انکے گھروں بے دخل کر دیا ،جبکہ کئی علاقوں میں سخت سیکیورٹی اور نقل و حرکت پر پابندی کی وجہ سے مقامی آبادی اپنے آبائی علاقوں سے ہجرت کر نے پر مجبور ہیں۔

علاقائی ذرائع کے کہنا ہے کہ پہلے ہمیں دو کلومیٹر پر روک دیا جاتا تھا، لیکن حالیہ چند مہینوں میں ہر ایک کلومیٹر پر سخت چیکنگ، گھروں میں راشن کی تفصیلات اور مغرب کے بعد بیماری کی صورت میں بلیدہ تک جانے کی اجازت نہیں دی جاتی۔ گھروں کے اوپر ڈرونز کی نگرانی کی وجہ سے انہیں شدید مشکلات کا سامنا ہے، اس لیے وہ اپنی جدی پشتی زمین کو خیر باد کہہ کر ہجرت پر مجبور ہوئے ہیں۔

مقامی رہائشیوں نے بتایا کہ زامران سے ہجرت کا فیصلہ ان کے لیے تکلیف دہ ہے، لیکن فورسز کی جانب سے انہیں بدترین جبر کا سامنا ہے۔ رہائشیوں نے بتایا کہ اس صورتحال میں انہوں نے علاقائی نمائندوں سے بات کی، لیکن وہ بے بس نظر آرہے ہیں۔