سوراب میں جنگی طیاروں سے سول آبادیوں پر بمباری ریاستی بربریت کی بھیانک شکل ہے: میر جاوید مینگل

سوراب میں جنگی طیاروں سے سول آبادیوں پر بمباری ریاستی بربریت کی بھیانک شکل ہے: میر جاوید مینگل

بلوچ آزادی پسند رہنماء میر جاوید مینگل نے شوشل میڈیا پر جاری اپنے ایک بیان میں سوراب گدر میں پاکستانی جیٹ طیاروں کے بمباری کے ردعمل میں کہا ہے کہ سوراب میں جنگی جیٹ طیاروں سے سول آبادیوں پر بمباری، خواتین، بچوں اور بزرگوں سمیت 27 افراد کی شہادتیں ریاستی جبر اور بربریت کی ایک بھیانک شکل ہے۔

میر جاوید مینگل کے مطابق بلوچ عوام 1948 سے بلوچستان پر مسلط جبری قبضے کے بعد بلوچ قوم مسلسل تشدد، جبری گمشدگیوں، ماورائے عدالت قتل اور فوجی کارروائیوں کا سامنا کر رہی ہے۔ اگر شہری آبادیوں کو نشانہ بنانا طاقت کا اظہار ہے تو یہ طاقت نہیں، ریاستی دہشت اور انسانیت کے خلاف ظلم کی انتہا ہے۔

انہوں نے مزید کہا کہ بے گناہ بلوچ شہریوں کا خون کسی بھی ریاستی بیانیے سے مٹایا نہیں جا سکتا، اور ان مظالم پر خاموشی تاریخ کے سامنے ایک سنگین جرم ہو گا۔